भारतीय प्रधानमन्त्री नरेन्द्र मोदीले मनाए सेनाका जवानसँग दीपावली

भारतीय प्रधानमन्त्री नरेन्द्र मोदीले भारतीय सेनाका जवानसँग दीपावली मनाएका छन् । बिहीबार प्रधानमन्त्री मोदी दीपावली मनाउन जम्मुको रजौरी जिल्लास्थित नौसेरा चेकपोस्टमा पुगेका थिए ।

उनले सेनासँगै दीपावली मनाएको भारतीय सञ्चारमाध्यमले जनाएका छन् । मोदी प्रधानमन्त्री भएपछि नियमित रुपमा दिपावली सेनाका जवानहरुसँग मनाउँदै आएका छन् ।

भारतमा लक्ष्मी पूजाका दिन दीपावली धुमधामका साथ मनाइन्छ । सो अवसरमा प्रधानमन्त्री मोदीले सेनाका उच्च अधिकारी र जवानहरुसँग छलफलसमेत गरेका थिए ।

मोदीले यसअघिका दीपावली उत्तराखण्ड, हिमाचल प्रदेश, पञ्जाबस्थित सेनाका सीमा सुरक्षा पोस्टमा पुगेर मनाएका थिए ।