एनआरएन इन्फ्राइस्ट्रक्चर एण्ड डेभलपमेन्टकाे लाभांश घोषणा

काठमाडाैं । एनआरएन इन्फ्राइस्ट्रक्चर एण्ड डेभलपमेन्ट कम्पनीले लाभांश घोषणा गरेको छ। कम्पनी शुक्रबार बसेको संचालक समितिको बैठकले आर्थिक बर्ष २०७८/७९ को लाभांश प्रस्ताव गरेको हो।

कम्पनीले हाल कायम चुक्ता पूँजीको ५.२६ प्रतिशत नगद लाभांश बितरण गर्ने प्रस्ताव गरेको हो । कम्पनीले कर सहित ५.२६ प्रतिशतले हुन आउने ६ करोड ४३ लाख ४० हजार ९ सय ३५ रुपैयाँ ४२ पैसा बराबरको नगद लाभांश बितरण गर्ने प्रस्ताव गरेको हो ।

कम्पनीको वार्षिक साधारणसभाले पारित गरेपछि उक्त लाभांश शेयरधनीलाई वितरण हुनेछ। कम्पनीले पुस २० गतेको लागि साधारणसभा आह्वान गरेको छ ।

कम्पनीले साधारणसभा प्रयोजनको लागि पुस ५ गते बुक क्लोज गर्न निर्णय गरेको छ । पुस ४ गतेसम्म कायम शेयरधनीले मात्र सभामा भाग लिन र प्रस्तावित लाभांश पाउन सक्ने छन् ।