हिमालयन रि इन्स्योरेन्सको आईपीओमा दोस्रो दिन पर्यो २ अर्ब ७२ करोड रुपैयाँकाे आवेदन

काठमाडौं । हिमालयन रिइन्स्योरेन्स कम्पनीको साधारण सेयर (आईपीओ)मा दोस्रो दिनसम्ममा ७ लाख ३३ हजार ६६ जना आवेदकले १ करोड ३२ लाख ५१ हजार ५१० कित्ताका लागि २ अर्ब ७२ करोड ९८ लाख ११ हजार ६० रुपैयाँको आवेदन दिएका छन् ।

सीडीएससीका अनुसार बिहीबार साँझ ५ बजेसम्म उक्त आवेदन परेको हो । कम्पनीले बुधबारदेखि सर्वसाधारणका लागि २ करोड ४९ लाख कित्ता सेयर निष्कासन गरेको छ । कम्पनीले अंकित मूल्यमा १०६ रुपैयाँ प्रिमियम थपेर प्रतिकित्ता २०६ रुपैयाँका दरले सेयर निष्कासन गरेको छ ।

आईपीओमा पुस १ गतेसम्म आवेदन दिन सकिने छ । उक्त अवधिमा माग अनुसार आवेदन नपरेको खण्डमा पुस ११ गतेसम्म आवेदन दिन सकिने कम्पनीले जनाएको छ ।

आवेदनकर्ताले सी आस्वा सदस्य रहेका बैंक तथा वित्तीय संस्था र मेरो सेयरमार्फत कम्पनीको आईपीओमा आवेदन दिन सकिन्छ । यसको बिक्री प्रबन्धकमा एनएमबि क्यापिटल रहेको छ ।