सानिमा मिडल तमोर हाइड्रोपावरको आईपीओ आज बाँडफाँट हुँने, को बन्ला भाग्यमानी ?

काठमाडौं । सानिमा मिडल तमोर हाइड्रोपावर कम्पनीले निष्कासन गरेको साधारण सेयर (आईपीओ) आज बाँडफाँट हुँने भएको छ । कम्पनीको बिक्री प्रबन्धक सानिमा क्यापिटल मार्केटका अनुसार आज बिहान १० बजे बाँडफाँट हुनेछ ।

आईपीओमा मागभन्दा ३.८२ गुणा बढी आवेदन परेकका कारण ष्सको बाँडफाँट गोलाप्रथाबाट नै हुनेछ । यो कम्पनीको सेयर पर्न पनि भाग्यकै भर पनुपर्ने देखिएको छ । १४ लाख १२ हजार १३ जना आवेदनकर्ताले १ करोड ६२ लाख ४० हजार ९४० कित्ताका लागि आवेदन दिएका छन् । कम्पनीले फागुन २६ देखि ३० गतेसम्म ४९ लाख ९८ हजार ७५० कित्ता सेयर निष्कासन गरेको थियो ।

जसबाट ४ लाख ९९ हजार ८७५ कित्ता सेयर वैदेशिक रोजगारीमा रहेका नेपाली, २ लाख ४९ हजार ९३६ कित्ता सेयर सामूहिक लगानी कोष बाँडफाँट गरेर बाँकी ४२ लाख ४८ हजार ९३८ कित्ता सेयर सर्वसाधारणका लागि निष्कासन गरेको हो । यसको बिक्री प्रबन्धकमा सानिमा क्यापिटल रहेको छ ।