आज रातिदेखि ‘कनेक्ट आईपीएस’ लगायतका सेवा अवरुद्ध हुने

काठमाडौं । भुक्तानी प्रणाली सञ्चालक नेपाल क्लियरिङ हाउस प्रालि (एनसीएचएल)अन्तर्गतको कनेक्ट आईपीएससहितका केही भुक्तानी प्रदायकको सेवा आज रातिदेखि अवरुद्ध हुने भएको छ ।

कम्पनीले एक सूचना जारी गरी दिएको जानकारी अनुसार आज शुक्रबार राति १० बजेपछि कनेक्ट आईपीएसस, रिटेल पेमेन्ट स्वीच, करर्पोरेट–पे र एनपीआई लगायतका प्रणाली/च्यानलहरू अस्थायी रुपमा बन्द हुने जानकारी दिएको हो ।

एनसीएचएलद्वारा सञ्चालित प्रणालीहरुको सिस्टम मेन्टिनेन्सका लागि शनिबार बिहान ३ बजेसम्म सेवा अवरुद्ध रहने बताइएको छ ।