बंकरमा फसेका नेपाली विद्यार्थी सुरक्षित स्थलमा, नआतिन् गरे आग्रह

काठमाडौँ। इजरायलको शेदोत नेगेभ र पामे तासाजमा रहेका विद्यार्थीलाई इजरायली सेनाले सुरक्षित स्थानमा लगेको छ ।

कृषि अध्ययनका लागि बस्ने क्रममा हमासको आक्रमणमा परेका उनीहरु बंकरमा लुक्दै आएका थिए ।

इजरायली सेना, स्थानीय संस्था र गैरआवासीय नेपाली संघको सहायतामा उनीहरुलाई उद्धार थालिएको हो ।

बर्दिया घर भएका लुइस रिजालले सामाजिक सञ्जालमा भिडियो पोष्ट गर्दै आफूहरु सुरक्षित रहेको जानकारी दिएका हुन् ।

उनले भिडियोमा भनेका छन् , ‘हामी बाटोमा छौं, केही छिनमै सुरक्षित स्थलमा पुग्छौं । इजरायली सेनाले हामीलाई समूह बनाएर लगिरहेको छ ।’

उनले आफूहरु सुरक्षित स्थानमा रहेको र सेनाहरुले सुरक्षा दिएको पनि जानकारी दिएका छन् ।