दरबारमार्गमा ‘जे एण्ड को’ को नयाँ लक्जरी स्टोर

काठमाडौं । नेपालको अग्रणी लक्जरी रिटेलर ‘जे एण्ड को’ ले काठमाडौंको दरबारमार्गमा आफ्नो नयाँ फ्ल्यागशिप स्टोर सञ्चालनमा ल्याएको छ । जे एण्ड कोले पहिलो पटक नेपालमा प्रसिद्ध इटलियन फेशन ब्राण्ड एम्पोरियो अरमानी प्रस्तुत गर्दैछ भने स्विस लक्जरी ब्राण्ड बालीलाई नयाँ परिचय र ताजगीका साथ पुनः लन्च गरिएको छ ।

स्टोरको उद्घाटन नेपालका ख्यातिप्राप्त उद्योगपति राजेन्द्र खेतान र आइरा झुनझुनवाला ले गरेका हुन् ।

राजधानीको मुटुमा अवस्थित यो स्टोरले जे एण्ड को को अन्तर्राष्ट्रिय ब्राण्डहरूलाई नेपाली ग्राहकहरूसम्म पुर्‍याउने प्रतिबद्धतालाई झल्काउँछ । आधुनिक तथा आकर्षक इन्टेरियरसहित यो बुटिकले उच्चस्तरीय किनमेल अनुभव प्रदान गर्दछ ।

‘यो विस्तार नेपालको फेशन क्षेत्रमा नयाँ अध्याय हो,’ जे एण्ड कोका प्रबन्ध निर्देशक पङ्कज झुनझुनवालाले भने, ‘एम्पोरियो अरमानीले आफ्नो अद्वितीय शालीनता र शहरी सौन्दर्य ल्याउँछ भने बालीले आफ्नो समृद्ध स्विस इतिहासलाई नयाँ डिजाइन दृष्टिकोणसहित फर्किएको छ । हामी यी अन्तर्राष्ट्रिय ब्राण्डहरूलाई एउटै छानामुनि नेपालमा ल्याउन पाउँदा गौरवान्वित छौं ।’

एम्पोरियो अरमानीले नेपालमा पहिलो पटक आफ्नो परिष्कृत इटलियन डिजाइन, न्यूनतावाद र आधुनिक लुकसहितका उत्पादनहरू प्रस्तुत गर्दैछ, जुन आधुनिक र फेशनमा रुचि राख्ने युवापुस्तालाई लक्षित गरिएको छ ।

बाली, जसले आफ्नो हस्तकला परम्परा र उत्कृष्टता लिएर नयाँ पहिचानसहित पुनरागमन गरेको छ, अब परम्परागत स्विस कौशललाई आधुनिक सौन्दर्यसँग जोड्दै नेपालको बजारमा नयाँ युगको सङ्केत दिएको छ ।

स्टोरको भव्य उद्घाटन समारोहमा नेपालका फेशन, व्यापार र जीवनशैली क्षेत्रका प्रमुख व्यक्तिहरूको उल्लेखनीय उपस्थितिले जे एण्ड कोलाई नेपालको लक्जरी खुद्रा बजारको अग्रणी ट्रेन्डसेटरको रूपमा थप सुदृढ पारेको छ ।

जे एण्ड कोको बारेमा

जे एण्ड को नेपालमा लक्जरी खुद्रा व्यापारको अगुवा हो, जसले विश्वका सबैभन्दा प्रतिष्ठित घडी, फेशन र जीवनशैली ब्राण्डहरूको प्रतिनिधित्व गर्छ । विश्वस्तरीय लक्जरी नेपालमा ल्याउने दृष्टिकोणसहित जे एण्ड कोले खुद्रा नवप्रवर्तन, ग्राहक अनुभव र ब्राण्ड क्युरेशनमा निरन्तर नयाँ मापदण्डहरू कायम गरिरहेको छ ।