बिहीबार, साउन २९, २०८२
कर्पोरट खबर
10:40 am, बिहीबार, साउन २९, २०८२
सुनसरी । सुनसरीको झुम्का कारागारबाट जबरजस्ती करणी मुद्दाका कैदी फरार भएका छन् ।
खोटाङको दिप्रुङ चुइचुम्मा गाउँपालिका–२ घर भएका २८ वर्षीय रुपक पौडेल खत्री मंगलबार राति भागेका हुन् । जेलर सुवासकुमार लामिछानेका अनुसार खत्रीलाई कारागारको ‘बी’ ब्लकमा राखिएको थियो ।
कारागारको पर्खाल नाघेर उनी फरार भएको जानकारी चौकीदारले कारागार प्रशासनलाई गराएका थिए । सामूहिक बलात्कारको घटनामा संलग्न खत्रीलाई अदालतले पुर्पक्षका लागि २०८१ साउन २१ गते कारागार चलान गर्न आदेश दिएको थियो ।
घटनापछि सुरक्षाकर्मीहरूले उनको खोजी तीव्र पारेका छन् । साथै, कारागारभित्र थप सुरक्षा सतर्कता अपनाइएको छ ।
प्रहरी र कारागार प्रशासनले घटनाको छानबिन सुरु गरेको जनाएको छ ।
FACEBOOK COMMENTS