कैलाश सिरोहिया जनकपुरको काव्या अस्पतालमा भर्ना

काठमाडौं । नागरिकता किर्ते सम्बन्धी कसुरमा प्रहरी हिरासतमा रहेका कान्तिपुर मिडिया ग्रुपका अध्यक्ष कैलाश सिरोहिया अस्पताल भर्ना भएका छन् ।

उच्च रक्तचापका कारण सिरोहिया अस्पताल भर्ना भएको बताइएको छ । धनुषाका प्रहरीका अनुसार सिरोहिया काव्या अस्पतालमा उपचाररत रहेका छन् ।

धनुषा जिल्ला अदालतको अनुमति लिएर अनुसन्धानका लागि मंगलबार सिरोहियालाई काठमाडौंस्थित कान्तिपुर मिडिया ग्रुपकै कार्यालयबाट पक्राउ गरिएको थियो ।