शनिबार, जेठ ३१, २०८२
कर्पोरट खबर
10:57 am, शुक्रबार, जेठ ३०, २०८२
काठमाडौं । बलिवुड अभिनेत्री करिश्मा कपूरका पूर्व पति संजय कपूरको निधन भएको छ ।
५३ वर्षीय संजय कपूरको हृदयघातका कारण मृत्यु भएको मिडिया रिपोर्टमा उल्लेख छ ।
रिपोर्टका अनुसार, संजय कपूरको इङ्गल्याण्डको गार्ड्स पोलो क्लबमा खेल्ने क्रममा अचानक संजय ढलेका थिए । उनलाई तुरुन्तै अस्पताल लगिएको थियो, तर डाक्टरहरूले उनलाई बचाउन सकेनन् ।
संजय कपूर एक व्यापारी थिए र पोलो खेललाई धेरै माया गर्थे ।
सन् २००३ मा, करिश्मा कपुरको संजय कपूरसँग विवाह भएको थियो । तर विवाहको केही वर्ष पछि, उनीहरूको सम्बन्धमा तिक्तता आयो । त्यसपछि २०१६ मा उनीहरूको सम्बन्धविच्छेद भयो । करिश्मा कपूरसँग सम्बन्धविच्छेद गरेपछि संजयले प्रिया सचदेवसँग विवाह गरेका थिए । करिश्मा कपूर र संजयका दुई छोराछोरी छन्, छोरी समायरा र छोरा कियान । दुवै छोराछोरी करिश्मासँगै मुम्बईमा बस्छन् ।
FACEBOOK COMMENTS