वैवाहिक जीवनमा बाँधिय कट्रिना कैफ र विक्की कौशल

काठमाडौं । बलिउड अभिनेत्री कट्रिना कैफ र अभिनेता विक्की कौशल वैवाहिक जीवनमा बाँधिएका छन् । उनीहरुले बिहीबार राजस्थानको सवाई माधोपुर जिल्लाको सात सय वर्ष पुरानो किल्लाको एक भव्य रिसोर्टमा विवाह गरेका हुन् ।

कट्रिनाले आफ्नो सामाजिक सञ्जालबाट विवाहको केही तस्वीर सार्वजनिक गर्दै सबैको तर्फबाट पाएको माया र आर्शिवादका लागि धन्यवाद दिएकी छिन् । विक्की र कट्रिनाको वैवाहिक समारोह मंगलबारबाट शुरु भएको थियो । विवाह कार्यक्रम तीन दिनसम्म चलेको थियो ।

विवाहपछि कट्रिनाले विक्कीसँग जीवनको नयाँ यात्रा शुरु भएको उल्लेख गरेकी छन् ।