स्वर्गीय राजा वीरेन्द्रको ७९औँ जन्मजयन्ती मनाइयो, शाहले गरे शालिकमा माल्यार्पण

काठमाडौं । वीरेन्द्र शान्ति प्रतिष्ठानले स्वर्गीय राजा वीरेन्द्र शाहको ७९औँ जन्मजयन्ती मनाएको छ ।

आज शनिबार बिहान ललितपुरको जावलाखेलस्थित वीरेन्द्रको शालिकमा माल्यार्पण तथा दीप प्रज्ज्वलन गरी उनको जन्मजयन्ती मनाइएको हो ।

कार्यक्रममा प्रमुख अतिथि कर्पोरेट खबर डटकमका प्रधान सम्पादक उज्वलजंग पराक्रम शाहले राजा वीरेन्द्रको शालिकमा माल्यार्पण गर्दै संक्षिप्त मन्तव्य व्यक्त गरे ।

स्वर्गीय राजा वीरेन्द्रप्रति हार्दिक श्रद्धाञ्जली अर्पण गर्दै उनले राजा वीरेन्द्र अत्यन्तै लोकप्रिय र जनपक्षीय रहेको चर्चा गरे ।