मल नपाएपछि सप्तरीमा किसानले बाले टायर

सप्तरी । आज किसानहरुले जिल्ला प्रशासन कार्यालय अगाडि समेत टायर बालेर प्रदर्शन गरेका छन् ।

गहुँमा मल हाल्ने समय घर्किँदै जाँदा पनि मल नपाएपछि सप्तरीका किसान आक्रोशित भएका छन् । आवश्यकता अनुसारको मल जिल्लामा नआएपछि किसानले दुई दिन अघिदेखि आन्दोलन शुरु गरेका छन् ।

कृषि सामग्री कम्पनी लिमिटेडमा तीन दिनदेखि मलका लागि लाइन लाग्दै आएपनि मल नपाएपछि किसानले कम्पनी अगाडि नै टायर बालेर प्रदर्शन गरेका छन् ।