केएनपी नेरोलेकको दुई नयाँ पेन्ट सार्वजनिक

काठमाडौं । जापानको सर्वोत्कृष्ठ पेन्ट केएनपी नेरोलेकले दुई नयाँ पेन्ट सार्वजनिक गरेको छ । कम्पनीले नेपाल भरिका आफ्नो अधिकृत विक्रेताहरुसँग भेटघाट गरि उक्त दुई नयाँ पेन्ट एक्सेल इभरलास्ट १२ र इम्प्रेसनस इको क्लिन सार्वजनकि गरेको हो ।

उक्त सार्वजनिक गरेको पेन्ट एक्सेल इभरलास्ट १२ पेन्ट एक्सटेरिरो (बाहिरको लागि) र इम्प्रेसनस इको क्लिन पेन्ट इन्टेरिरो (घरको भित्रीको लागि) लागाउन मिल्ने पेन्ट सार्वजनिक गरेको हो ।

यी दुवै पेन्टमा ‘सुपर रिच प्रपर्टिज’ र हानिकारक किटाणु प्रतिरोधि लगायतका थुप्रै बिशेषताहरु रहेका छन्।

सार्वजनिक गरिएका दुई पेन्टहरु मध्ये ‘एक्सेल इभरलास्ट १२’ मा १२ वर्ष सम्मको वारेन्टी दिइएको भने ‘इम्प्रेसनस इको क्लिन’ पेन्टमा ‘सुपर लक्जरी फिनिश’ र वातावरणलाई असर गर्ने कुनै रसायन नभएको र यसबाट हानिकारक गन्ध पनि नआउने हुनाले, घर भित्र लगाउन यो पेन्ट अत्यन्तै सुरक्षित रहेको कम्पनीले जनाएको छ ।