प्रधानमन्त्री ओलीद्वारा जनकपुर बोल्ट्सलाई बधाई

काठमाडौं। प्रधानमन्त्री केपी शर्मा ओलीले नेपाल प्रिमियर लिग (एनपीएल) को उपाधि विजेता जनकपुर बोल्ट्सलाई बधाई दिएका छन्।

सामाजिक सञ्जाल फेसबुकमार्फत ओलीले लेखेका छन्, बधाई जनकपुर बोल्ट्स, एनपीएल उपाधि हात पारेकोमा। आजको खेलमा सुदूरपश्चिम रोयल्सले पनि उत्कृष्ट प्रदर्शन गर्‍यो। यससँगै नेपाली क्रिकेटको महापर्व सम्पन्न भएको छ।

ओलीले प्रतियोगितामा सहभागी सबै टिम, आयोजक, र व्यवस्थापन टोलीलाई पनि धन्यवाद व्यक्त गरेका छन्।

शनिबार त्रिभुवन विश्वविद्यालय (टीयू्र) क्रिकेट मैदानमा सम्पन्न फाइनल खेलमा जनकपुर बोल्ट्सले सुदूरपश्चिम रोयल्सलाई ५ विकेटले पराजित गर्दै एनपीएलको उपाधि आफ्नो बनाएको थियो।