एउटा रोटी र तरकारीका लागि मैले भ्रष्टाचार गर्न पर्दैन : प्रधानमन्त्री ओली

काठमाडौं । प्रधानमन्त्री केपी शर्मा ओलीले एउटा रोटी र तरकारी खानका लागि आफूले भ्रष्टाचार गर्न नपर्ने बताएका छन् ।

ईश्वरलाल प्रतिष्ठानद्वारा लिखित ‘राजेशकाजी श्रेष्ठ : व्यक्तित्व र योगदान’ पुस्तक विमोचन कार्यक्रममा उनले आफूमाथि लाग्दै आएको भ्रष्टाचारका आरोपहरूको खण्डन गर्दै सामान्य जीवन बिताउने व्यक्तिका लागि भ्रष्टाचार आवश्यक नभएको बताएका हुन् ।

‘पहिलो कुरा त मान्छेको जीवनको भर हुँदैन, त्यसमाथि म धेरैपटक शल्यक्रिया गरेको व्यक्ती । म पुक्लुक्क मर्न पनि सक्छु । अनि किन मैले भ्रष्टाचार गर्नु ?,’ प्रधानमन्त्री ओलीले भने, ‘म सामान्यतः एउटा रोटी र तरकारी खान्छु, त्यति सिम्पल छ मेरो भान्सा । अनि त्यसैका लागि भ्रष्टाचार गरेर कम्बोडिया र अरू ठाउँमा पैसा राखेँ होला र ?’

आफ्नो शषपछि भोगचलन गर्ने कोही नभएका कारण पनि आफूलाई जीवन जिउन जनता मारेर भ्रष्टाचार गर्नुपर्ने अवस्था नरहेको प्रधानमन्त्री ओलीको भनाइ थियो ।