सिम्लेबासी भन्छन्,‘केपी शर्मा ओलीकै पहलमा बाटो र पुल पायौं, अब धनिपुर्जा’

दमक । झापाको कमल गाउँपालिकाको वडा नं। ५ मा पर्ने सिम्ले बस्ति रतुवा र चाँजु खोलाको टापुको रुपमा रहेका छ ।

केहि वर्ष अघि सम्म यहाँका बासिन्दामा रतुवाको बाढीमा ज्यान दाउमा राखेर बजार धाउनु पर्ने अवस्था थियो । तर रतुवा खोलामा पक्कि पुल बने र सडक समेत कालोपत्रे भए पछि यो समस्या समाधान भएको छ ।

स्थानीय वृद्ध केदारनाथ खतिवडाको अनुभवमा सुविधाका हिसावले यो ठाउँ नै नयाँ बनेको छ । केहि वर्ष अघि करतुवामा पुल नहुँदा खोलामा ज्यान हत्केलामा राखेर दमक सम्म पुग्नु पथ्र्यो । अचेल त्यो समस्या छैन । सोच्दै नसोचेको परिवर्तन उनले आँफैले देख्न र भोग्न पाएका छन् । उनले भने, ‘केपी ओलीले यहाँ यत्रो विकास गरिदिनु भएको छ, उहाँलाई भोट नदिएर कस्लाई दिनु् त ?’

यसै ठाउँकी रिमैमायाँ गौतमलाई कयौ पटक खोलाले बगाएको दुःखद अनुभव छ । तर यो समस्या हटेपछि उनलाई आफ्नै ठाउँ पनि नयाँझै लागेको छ । ‘घाँस दाउरा गर्दा खोलाले कति पटक बगायो’ उनले भनिन्, ‘अरु भन्दा पनि सुत्केरी व्यथा लागे पछि कालनै आए जस्तो हुन्थ्यो, पारि दमक तिरका अस्पतालमा लान खोलासँगै लडाँई खेल्नु पथ्यो ।’ अहिले भने रतुवामा पक्कि पुल छ, घरै अघि कालोपत्रे बाटो छ । मध्यरातमा भए पनि १० मिनेटमा अस्पताल सजिलै पुग्न सकिन्छ ।

कालोपत्रे सडक र पक्कि पुलले यहाँ त्यसै खेर जाने बाँसले पनि मुल्य पाएको छ । यस्तै उत्पादन गरेर पनि बजार सम्म पुर्याउन कठिन हुने तरकारी पनि बारीबाटै विक्न थालेको छ । यसैगरि सयौं सर्वसाधारणका लागि स्वरोजगारीको माध्यम बनेको सिटी सफारी र अटो सञ्चालनले दैनिकीलाई निक्कै सजिलो पारेको छ । अटो चालकहरु पनि सडकका कारण यातायात सञ्चालनमा सहजता आएको यहाँ अटो चलाएर आई पुगेका दोणबहादुर दनुवारले बताए ।

सिम्लेकी बासिन्दा हरिमायाँ खड्काको भने दुखद् अनुभव पनि छ । केहि वर्ष अघि आँफै बिरामी हुँदा छोराले बाढीमा दुवै जनाको ज्यान दाउमा राखेर बोकेर खोला तार्नु परेको थियो । तर अहिले घरै अघि कालोपत्रे छ र चाहेको बेला सिटी सफारी, अटो लगायतका सवारी साधन चाहेको समयमा पाईन्छ । ‘केपी ओलीको अगुवाई र सुवाशचन्द्र नेम्वाङ्को साथले सिम्लेले काँचुली फेरेको छ’ उनले भने, ‘अब यहाँको बसोबासको समस्या पनि समाधान हुनेमा हामी ढुक्क छौं ।’

यहाँका बासिन्दाको अवको माग अव्यवस्थित बसोबासको समस्या समाधान गर्नुछ । एमाले अध्यक्ष तथा पूर्वप्रधानमन्त्री केपी शर्मा ओली यहाँ पुग्दा स्थानीयले उहाँ समक्ष पनि यहि माग राखेका छन् ।

सिम्लेबासीका घरै अघि सम्म कालोपत्रे सडक समेत पुगे पछि अत्यावश्यकीय सेवाका लागि दमक सम्म आउन पनि सजिलो छ । सडक र पुल निर्माण पछिको सुविधासँगै यहाँ स्वरोजगार हुने अवसर पनि विभिन्न अवसर खुलेका छन् । गाउँमानै सानातिना होटल, चियापसल तथा दैनिक उपभोग्य बस्तुको सहज उपलव्धता छ ।