एमाले अध्यक्ष ओलीद्वारा उम्मेदवारी दर्ता

काठमाडौ। । नेकपा (एमाले)का अध्यक्ष केपी शर्मा ओलीले प्रतिनिधिसभा सदस्यका लागि झापाको क्षेत्र नम्बर ५ मा उम्मेदवारी दर्ता गराएका छन् ।

अध्यक्ष ओलीले आफ्नो निर्वाचन क्षेत्रमा रहेको निर्वाचन अधिकृत कार्यालयमा आफैँ पुगेर आज दिउँसो उम्मेदवारी दर्ता गरेका हुन् ।

उम्मेदवारी दर्ता गर्न उहाँ शनिबार नै झापा आइपुगेका थिए ।
झापा क्षेत्र नं ५ को निर्वाचन परिचालन कमिटीका संयोजक एवं एमाले पोलिटब्यूरो सदस्य देवेन्द्र दाहालका अनुसार सङ्घीय संसद्का लागि अध्यक्ष ओलीको मनोनयन दर्तामा उम्मेदवार प्रतिनिधि केन्द्रीय सदस्य रोमनाथ ओली र प्रस्तावकमा केन्द्रीय सदस्य ओली र प्रदेश सदस्य अम्बिका खनाल थिए ।

यस्तै समर्थकमा केन्द्रीय सदस्य गीता अधिकारी र जिल्ला अध्यक्ष दीपक कार्की रहेका छन् । उहाँँसँगै एमालेबाट क्षेत्र नं ५ प्रदेश ९क० मा हिक्मतकुमार कार्की र प्रदेश ९ख० मा होमबहादुर थापालेसमेत उम्मेदवारी दर्ता गराएका हुन् ।