बढ्न थाल्यो प्रधानमन्त्री ओलीको फेसबुक फलोअर्स

काठमाडौं । काठमाडौैं महानगरपालिकाका मेयर बालेन्द्र शाह ‘बालेन’ का समर्थकले चलाएको ‘अनफलो’ अभियानका कारण उच्च संख्यामा घटेको प्रधानमन्त्री केपी शर्मा ओलीको फेसबुक पेजको फलोअर्स संख्या बढ्न थालेको छ ।

मेयर शाहले यही भदौ १६ गते एमाले लुम्बिनी प्रदेश सांसद रेखाकुमारी शर्माविरूद्ध लेखेको स्टाटस २ दिनपछि भदौ १८ गते फेसबुकले हटाइदिएपछि उनी समर्थकले त्यही साँझदेखि ओलीविरूद्ध अनफलो अभियान चलाएका थिए ।

जसका कारण ओलीको फेसबुक पेजको फलोअर्स ६ लाख ६६ हजारबाट एक दिनमै ७७ हजार घटेर भदौ १९ गते ५ लाख ८८ हजारमा झरेको थियो । बिहीबार बिहानसम्म पनि उक्त संख्या नै कायम थियो ।

तर अहिले भने ओलीको फेसबुक पेजको फलओर्स संख्या बिस्तारै उकालो लाग्न थालेको छ।

यो सामग्री तयार पार्दासम्म ओलीको फेसबुक पेजको फलओर्स संख्या ५ लाख ९० हजार पुगेको छ ।