कुमारी बैंकको संस्थापक शेयर खरिदका लागि अवधि थप

काठमाडौं । कुमारी बैंक लिमिटेडले फागुन १६ गतेदेखि विक्रीमा ल्याएको २ लाख ९६ हजार कित्ता संस्थापक शेयर खरीद गर्ने अवधि थप भएको छ ।

बैंकले विद्यमान संस्थापक शेयरधनीहरूसँगै अन्य व्यक्ति तथा संस्थाले खरीद गर्न पाउने गरी यो शेयर विक्रीमा ल्याएको हो । यस अघि फागुन ३० गतेसम्मको विक्री अवधि तय गरिएकोमा थप गरी चैत ६ गतेसम्म कायम गरिएको हो ।

प्रतिकित्ता २१९ मूल्य तोकिएको यो शेयर खरीदका लागि इच्छुक लगानीकर्ताले तोकिएको मूल्य वा सोभन्दा बढी मूल्य अंकित गरी गोप्य शिलबन्दी बोलपत्र पेश गर्नुपर्नेछ ।

बोलपत्र विक्री प्रबन्धक कुमारी क्यापिटल लिमिटेडको नागपोखरी, नक्साल, काठमाडौं स्थित कार्यालयमा पेश गर्नुपर्ने भएको हो ।

बोलपत्र पेश गर्दा न्यूनतम १० हजार कित्तादेखि अधिकतम सम्पूर्ण कित्तासम्म माग गर्नुपर्नेछ ।

आवेदन दिनेले अनिवार्य रुपमा आफ्नो प्यान नम्बर आवेदन फारममा उल्लेख गर्नुपर्ने बैंकको  जनाएकाे छ ।

शिलबन्दी खाम बाहिर आवेदनकर्ताले कुमारी बैंक लिमिटेडको संस्थापक शेयर खरीद आवेदन समेत उल्लेख गर्नुपर्नेछ ।