जवाफी ब्याटिङमा खराब सुरुआत : नेपालले गुमायो दोस्रो विकेट, कुशल मल्ल पनि आउट

काठमाडौं। आईसीसी क्रिकेट लिग- २ अन्तिम शृंखलाको अन्तिम खेलमा जवाफी ब्याटिङमा उत्रिएको नेपालले खराब सुरुआत गरेको छ।

नेपालले दुई ओभर पूरा नगर्दै दुई विकेट गुमाएको हाे।

ओपनर आसिफ शेख र तेस्रो नम्बरमा ब्याटिङका लागि आएका कुशल मल्ल सस्तैमा आउट भएका हुन्।

यूएईले नेपाललाई ३११ रनको विशाल लक्ष्य दिएको छ।

त्रिवि क्रिकेट मैदान कीर्तिपुर पुरमा टस जितेर पहिले ब्याटिङ गरेको यूएईले ६ विकेटको क्षतिमा ३१० रन बनाएको छ।

यूएईका लागि आसिफ खानले विष्फोटक पारी खेले। उनले ४२ बलमा ११ छक्का र चार चौकाको मद्दतले १०१ रन बनाए।

यूएईका आयन खानले बलिङमा नेपालका आसिफ शेखलाई स्टम्पिङ गरएका छन्। मल्ललाई भने जनैद सिद्दीकीले क्याचआउट गराएका हुन्।