मलेसियाविरुद्ध कुशल मल्लको शानदार अर्धशतक

काठमाडौँ । आईसीसी टी ट्वान्टी विश्वकपको एसिया छनोटमा कुशल मल्लले मलेसियाविरुद्ध शानदार अर्धशतक प्रहार गरेका छन् ।

मंगलबार कीर्तिपुरस्थित अन्तर्राष्ट्रिय क्रिकेट मैदानमा भएको खेलमा १ सय ६६ रनको लक्ष्य पछ्याउने क्रममा कुशल मल्लले अर्धशतक प्रहार गरेका हुन् ।

उनले २५ बलमा १ चौका र ६ छक्काको मदतले अर्धशतक बनाए ।

नेपाल मलेसियाले प्रस्तुत गरेको १ सय ६६ रनको लक्ष्य पछ्याईरहेको छ ।

कीर्तिपुरको त्रिवि मैदानमा टस जितेर ब्याटिङ गरेको मलेसियाले निर्धारित ओभरमा ९ विकेट गुमाएर १ सय ६५ रन बनाएको थियो ।

सैयद अजीले ६८ रन बनाएका थिए भने जुबैदी जुल्किफ्ले २४ रन बनाए। त्यस्तै शर्विन मुनिन्दी र विजय उन्नीले १३ / १३ रन बनाए ।

नेपालका लागि अविनाश बोहोराले ४ तथा रोहित पौडेल, सन्दीप लामिछाने र गुल्सन झाले समान १ विकेट लिए ।