लालपुर्जा नेपालका सीईओ सञ्जय नेपाललाई ‘इमर्जिङ रियल इस्टेट अवार्ड’ (भिडिओ)

काठमाडौं । नेपालको ख्यातिप्राप्त र अग्रणी रियल इस्टेट ब्रोकर एजेन्सी ‘लापुर्जा नेपाल’का प्रबन्ध निर्देशक तथा प्रमुख कार्यकारी अधिकृत (सीईओ) सञ्जय नेपालले ‘इमर्जिङ रियल इस्टेट अवार्ड, २०२५’ प्राप्त गर्नुभएको छ ।

कर्पोरेट म्यागजिनले उहाँलाई सो अवार्ड प्रदान गरेको हो ।

बिहीबार काठमाडौंको लाजिम्पाटस्थित र्‍याडिसन होटेलमा आयोजित ‘कर्पोरेट बिजनेश अवार्ड, २०२५’ समारोहमा उहाँलाई सो अवार्ड प्रदान गरिएको कर्पोरेट म्यागजिनका संस्थापक सम्पादक उज्वलजंग शाहले जानकारी दिनुभयो ।

कार्यक्रमका प्रमुख अतिथि रक्षामन्त्री मानवीर राई, अवार्ड छनोट समिति संयोजक तथा नेपाल उद्योग वाणिज्य महासङ्घ (एफएनसीसीआई) की पूर्वअध्यक्ष भवानी राणा, कर्पोरेट मिडियाकी उपाध्यक्ष सुष्मा महरालगायतले उहाँलाई अवार्ड प्रदान गर्नुभएको थियो ।

सञ्जय नेपाल र लालपुर्जा नेपालबारे

धादिङको गंगाजमुना–५ फूलखर्कमा जन्मिनुभएका सञ्जय नेपाल नेपालको ख्यातिप्राप्त र अग्रणी रियल इस्टेट ब्रोकर एजेन्सी ‘लापुर्जा नेपाल’का प्रबन्ध निर्देशक तथा सीईओ हुनुहुन्छ । ‘लालपुर्जा नेपाल–जस्तो नाम उस्तै काम’को नाराका साथ तीन वर्षअघि स्थापना भएको यो कम्पनीले सम्पत्ति किन्न, बेच्न वा भाडामा दिन तथा ऋण लिने प्रक्रियामा सहजीकरण गर्दै आएको छ ।

काम गरेर केही रकम आर्जन गर्ने त व्यवसायको चरित्र नै हो । तर, त्यसको अलावा नेपालमा केही छैन र केही हुँदैन भनेर विदेसिने ट्रेण्डको विकल्पका रूपमा पनि सञ्जयले ‘लालपुर्जा नेपाल’को परिकल्पना गर्नुभएको हो । उहाँको यो सोचबाट नेपालमा पनि फरक ढङ्गले काम गर्दा इज्जत कमाउन र मनग्गे आम्दानी गर्न सकिन्छ भन्ने सन्देश दिएको छ । अहिले उहाँको कम्पनीमा ५० जनाले पूर्णकालीन रोजगारी पाउनुभएको छ । बैंक र विदेशको जागिर छोडेर व्यावसायिक महिलाहरू लालपुर्जा नेपालमा आवद्ध हुनुहुन्छ भने उहाँहरूले मासिक रूपमा पाँच लाख रुपैयाँसम्म आम्दानी गरिरहनुभएको छ ।

लालपुर्जा नेपालले ‘रियल इस्टेट दलाल’ शब्दमाथि मानिसहरूको सोचाइ नै परिवर्तन गरी गरिमा थप्ने काम गरेको छ । हाल काठमाडौंको सोह्रखुट्टेमा मुख्य कार्यालय रहेको लालपुर्जामा पाँच हजार बिक्रेता तथा करिब चार हजारभन्दा बढी सेवाग्राही जोडिनुभएको छ । काठमाडौंको बूढानीलकण्ठ तथा उपत्यकाबाहिर पोखरा, इटहरी, नेपालगञ्ज र चितवनमा शाखा खोलिएको छ । लालपुर्जाले ब्रोकरको कामसँगै ब्रोकर ट्रेनिङ पनि दिन थालेको छ ।

गाउँकै स्थानीय विद्यालयबाट एसएलसी उत्तीर्ण गर्नुभएपछि सञ्जय नेपाल उच्च शिक्षाका लागि काठमाडौं आउनुभयो । गोल्डेन गेट कलेजबाट व्यवस्थापन सङ्कायमा प्लस–टू र न्याथम कलेजबाट ट्राभल एन्ड टुरिज्ममा स्नातक गर्नुभयो । स्नातक अध्ययनकै क्रममा फोटोग्राफी, ट्राभल एन्ड टुरिज्म, कन्सल्टेन्सी, आईटीलगायत विभिन्न क्षेत्रमा जोडिएर काम गर्नुभएका उहाँले सबैलाई छोडेर रोजगारी सृजना गर्नेगरी लालपुर्जा नेपाल स्थापना गर्नुभयो ।

यसका अलावा उहाँ रोटरी क्लव अफ माउन्ट एभरेष्ट ललितपुरमा आवद्ध हुनुहुन्छ भने लालपुर्जाबाट भएको आम्दानीको केही अङ्श सामाजिक संस्थाहरूमार्फत समाजसेवामा खर्च गर्ने गर्नुभएको छ । उहाँ आफ्नो कामको ग्रोथलाई सम्मान र अवार्ड पाएको ठान्नुहुन्छ ।

हर्नुहाेस् भिडिओ–