लामिनार टायल्सको ‘मोनोलिथ डिजिटल फुल–बडी’ टायल सार्वजनिक

काठमाडौँ । नेपालको फुल्ली भिट्रिफाइड टायल ब्रान्ड लमिनार टायल्सले आफ्नो नयाँ प्रडक्ट ‘मोनोलिथ डिजिटल फुल–बडी’ सार्वजनिक गरेको छ ।

कम्पनीका अनुसार मोनोलिथ डिजिटल डिजाइन र फुल–बडी प्रविधिको संयोजनमा आधारित छ । कम्पनीका प्रबन्ध निर्देशक अशुतोष खेतानले मोनोलिथमार्फत आफूहरुले प्राकृतिक ढुंगाको सुन्दरतालाई सरल र आधुनिक टायल भाषामा प्रस्तुत गराएको बताए । जसले प्रतिकूल वातावरण र दीर्घकालीन प्रयोगमा पनि आफ्नो गुणस्तर कायम राख्ने उनको भनाइ छ ।

मोनोलिथलाई आधुनिक घर तथा सार्वजनिक स्थानमा प्रयोग गर्नका लागि तयार गरिएको हो । कम्पनीले यसलाई सन्तुलित र टिकाउ टायलका रुपमा प्रस्तुत गरेको छ । यो टायलमा चूनढुङ्गा, बालुवा, खरानी, स्लेट र ज्वालामुखीय काँच (ओब्सिडियन) जस्ता प्राकृतिक तत्व मिसाइएको छ ।

सामान्यतया ग्लेज्ड टायलमा लामो समय प्रयोग गर्दा सतह घिसिँदै भित्रको फरक रङ देखिन थाल्ने समस्या देखिन्छ तर मोनोलिथ डिजिटल फुल–बडीमा उक्त समस्या नरहने कम्पनीको भनाइ छ । साथै डिजाइनमा पनि विविधता भएको कम्पनीले जनाएको छ ।

यो टायल म्याट कार्भिङ, ग्रानुलर म्याट र ग्रिट टेक्स्चुरा ब्राण्डमा उपलब्ध छन् भने नघिस्रिने, नकोरिने र नचिप्लिने जस्ता प्राविधिक मापदण्ड पनि पूरा गरिएको छ । जसका कारण टायललाई पानी पर्ने वा भिज्ने स्थान, बाहिरी क्षेत्र तथा उच्च आवतजावत हुने ठाउँका लागि उपयुक्त मानिएको छ ।

यी टायलहरू विमानस्थल, सपिङ सेन्टर, होटल, अस्पताल र कार्यालयजस्ता सार्वजनिक स्थानका साथै घरभित्रका बैठककोठा, शौचालय, भान्सा, कौशी, पौडीपोखरीलगायतमा पनि प्रयोग गर्न सकिन्छ ।

मोनोलिथ सग्रह लमिनारले हालै एनएस ६१७:२०८२ प्रमाणिकरण प्राप्त गरेपछि प्रडक्ट सार्वजनिक गरिएको हो । उक्त प्रमाणिकरणअनुसार लामिनारका टायल पूर्ण भिट्रिफाइड तथा राष्ट्रिय मापदण्डको उच्चतम श्रेणीमा वर्गीकृत छन् ।

नेपालको पहिलो स्वदेशी फुल–बडी टायल संग्रह ‘सेन्टो’ पछि मोनोलिथमार्फत लमिनारले डिजिटल फुल–बडी प्रविधिमा अर्को कदम अगाडि बढाएको जनाएको छ । यसअघि यस किसिमका नेपालमा उत्पादन नभएकाले आयात गर्नुपर्ने अवस्था थियो ।

एक्स्पोमा लामिनारले मोनोलिथलगायत अन्य प्रडक्ट पनि प्रदर्शन गरिरहेको छ । ४०० भन्दा बढी डिजाइन समेटिएको लामिनारका सम्पूर्ण प्रडक्ट भने काठमाडौँ लाजिम्पाटस्थित उत्तरढोकामा रहेको लामिनार एक्स्पेरियन्स सेन्टर तथा देशभरका १६० भन्दा बढी अधिकृत डिलरमा गएर अवलोकन गर्न सकिन्छ ।