लक्ष्मी लघुवित्तको लाभांश घोषणा

काठमाडौं । लक्ष्मी लघुवित्त वित्तीय संस्थाले सेयरधनीका लागि लाभांश घोषणा गरेको छ ।

बुधबार बसेको सञ्चालक समितिको बैठकले आर्थिक वर्ष २०७८/०७९ को नाफाबाट २० प्रतिशत लाभांश दिने घोषणा गरेको हो । कम्पनीले १५ प्रतिशत बोनस र कर प्रयोजनसहित ५ प्रतिशत नगद लाभांश दिने जनाएको छ ।

यो प्रस्ताव नेपाल राष्ट्र बैंकले स्वीकृत गरेर कम्पनीको आगामी साधारण सभाले पारित गरेपछि सेयरधनीले पाउनेछन् ।