काठमाडौंका यी ठाउँमा आज बत्ति नहुने

काठमाडौं । आज काठमाडौंका विभिन्न स्थानमा विद्युत् सेवा अवरूद्ध हुने भएको छ ।

नेपाल विद्युत् प्राधिकरणका अनुसार साँखु फिडर अन्तर्गत पर्ने मायापाटी, ब्रम्हखेल, इन्द्रायनी, साँखु, जहरसिं पौवा, नांगलेभरे क्षेत्रमा आज बिहान १० बजेदेखि दिउँसो २ बजेसम्म विद्युत् अवरूद्ध हुने छ ।

मुलपानीमा रहेको ११ केभी सब-स्टेशन मर्मतका लागि साँखु फिडर सटडाउ गर्नु पर्ने भएकाले आज चार घन्टा विद्युत् अवरूद्ध हुने भएको हो ।

लाजिम्पाट, पानीपोखरी र बालुवाटार क्षेत्रमा बिहान साढे ९ बजेदेखि दिउँसो साढे २ बजेसम्म विद्युत अवरूद्ध भएको हुनेछ ।

लाजिम्पाट फिडर अन्तर्गत पर्ने क्षेत्रहरूमा विद्युत तार भूमिगत गर्न पर्ने भएकाले विद्युत सेवा अवरुद्ध हुन लागेको हो ।