माछापुच्छ्रे बैंकको एक्सटेन्सन काउन्टर कर्मचारी सञ्चय कोष भवनमा

काठमाडौं । माछापुच्छ्र बैंक लिमिटेडले सेवाग्राहीहरुको सुविधालाई मध्यनजर गर्दै ललितपुरको लगनखेलस्थित कर्मचारी सञ्चय कोष भवनमा एक्सटेन्सन काउन्टर सञ्चालनमा ल्याएको छ ।

बैंकले सोमबार औपचारिक कार्यक्रमको आयोजना गरी सो ठाउँमा एक्सटेन्सन काउन्टर सञ्चालनमा ल्याएको हो । कर्मचारी सञ्चय कोषका सह–प्रशासक जीवनकुमार कटवालले उक्त एक्सटेन्सन काउन्टरको उद्घाटन गरेका हुन् ।

 

कार्यक्रममा बैंकका प्रमुख कार्यकारी अधिकृत सन्तोष कोइरालालगायतको उपस्थिति रहेको थियो । योसँगै देशभर ११ वटा एक्सटेन्सन काउन्टर सञ्चालनमा रहेका छन् ।