![](https://i0.wp.com/corporatekhabar.com/wp-content/uploads/2024/07/corporatekhabar-800x200-1.jpg?fit=800%2C200&ssl=1)
![](https://i0.wp.com/corporatekhabar.com/wp-content/uploads/2023/06/IME-Life-1200x100-1.gif?fit=1200%2C100&ssl=1)
एजेन्सी । फ्रान्सका राष्ट्रपति इम्यानुएल म्याक्रोनलाई भारतमा हात्तीको स्वागत परेडका साथ रातो कार्पेटले स्वागत गरिएको छ ।
भारतीय प्रधानमन्त्री नरेन्द्र मोदीले बिहीबार साँझ १९औँ शताब्दीका महाराजाको दरबारमा म्याक्रोनका लागि रात्रिभोजको आयोजना गरेका छन् भने शुक्रबार ट्याङ्क, ऊँट घोडचढी र लडाकू जेट फ्लाई पास्टसहित रङ्गीन सैन्य मार्चपासमा सभागी हुनेछन् ।
भारतको विदेश मन्त्रालयले नयाँ दिल्ली र पेरिस ‘रणनीतिक साझेदार’ भएको बताएको छ भने फ्रान्सेली राष्ट्रपतिले आफ्नो भ्रमणले ‘कूटनीतिक र आर्थिक सम्बन्धलाई सुदृढ र गहिरो बनाउने’ बताए । भारतीय रक्षा मन्त्रालयले अर्बौं डलरको सम्झौतामा फ्रान्समा निर्मित राफेल लडाकू जेट र स्कर्पेन श्रेणीका पनडुब्बीहरू खरिद गरेपछि फ्रान्सले आफ्नो सैन्य सम्झौतामा निर्माण गर्ने अपेक्षा गरेको छ ।
भारतीय मिडियाका अनुसार अमेरिकी राष्ट्रपति जो बाइडेनलाई गरिएको निमन्त्रणा स्वीकार गर्न असमर्थ भएपछि आएका म्याक्रोनले फ्रान्सले छ वटा इपिआर आणविक रिएक्टर बिक्री गर्न सक्ने अपेक्षा गरेका छन् ।
म्याक्रोनले राजस्थानको जयपुरमा उत्रिएपछि दुवै मुलुकको झन्डा फहराउँदै गरेका स्कुलका छात्रछात्राहरूसँग हात मिलाए । “फ्रान्समा धेरैभन्दा धेरै भारतीय विद्यार्थीहरू आउन् भन्ने हामी चाहन्छौँ”, उनले भने । मोदी गत जुलाईमा फ्रान्सको वार्षिक बास्टिल दिवस समारोहमा अतिथि थिए र म्याक्रोनले पनि यस्तै प्रकारले उनको स्वागत गरेका थिए ।
पेरिस र नयाँदिल्ली अन्तरिक्ष तथा उपग्रह प्रविधिमा सहकार्य गर्दछन् र फ्रान्सेली प्रतिनिधिमण्डलमा अन्तरिक्ष यात्री थोमस पेस्केट सहभागी छन् । भ्रमणमा जुयपुरको १८औँ शताब्दीको जन्तरमन्तर खगोलीय अवलोकन स्थलमा जाने कार्यक्रम छ ।
म्याक्रोनले शुक्रबार भारतको संविधानको ७५औँ वार्षिक दिवस तथा गणतन्त्र दिवसको अवसरमा नयाँदिल्लीमा सैन्य परेड अवलोकन गर्नेछन् । सन् २०२३ मा भारतीय सैनिकहरूले पेरिसको सडकहरूमा मार्च गरेजस्तै फ्रान्समा निर्मित जेटहरू आकाशमा गर्जने क्रममा फ्रान्सेली टुकडी पनि उक्त सैन्य प्रदर्शनमा सहभागी हुनेछ ।
भ्रमणअघि फ्रान्सेली राष्ट्रपतिले भने, “भारत अन्तर्राष्ट्रिय शान्ति तथा सुरक्षामा योगदान गर्ने प्रमुख साझेदार हो ।” गत वर्ष म्याक्रोनले छिमेकी मुलुक बङ्गलादेश तथा श्रीलङ्काको भ्रमण गरेको र फ्रान्सलाई व्यापक एसिया–प्रशान्त क्षेत्रमा ‘पुनः प्रतिबद्ध’ गर्ने उद्देश्यले प्रशान्त भ्रमण पनि गरेका छन् । फ्रान्सेली राष्ट्रपति अन्तिम पटक सेप्टेम्बरमा जी२० शिखर सम्मेलनका लागि भारत गएका थिए ।
FACEBOOK COMMENTS