महिन्द्राको ट्रयाक्टर किनेका ग्राहकले सित्तैमा पाए ई–रिक्सा, जावा फोर्टी–टू र पावरोल जेनेरेटर

महिन्द्रा ट्रयाक्टर खरिद गर्ने ग्राहकहरूमा देखियो अझै धेरै उत्साह !

काठमाडौं । नेपालका लागि महिन्द्रा अटोमोबाइल र ट्रयाक्टरहरूको आधिकारिक वितरक अग्नी ग्रुपले महिन्द्राको ट्रयाक्टर किनेका ग्राहकहरूलाई ई–क्सिा, जावा मोटरसाइकल र पावरोल जेनेरेटर उपहार दिएको छ ।

कम्पनीले विश्वकर्मा पूजा, दशैं, तिहार र छठ पूजालाई लक्षित गरी सञ्चालन गरेको ‘महिन्द्रा उत्सव २०२३’ विशेष योजनाअन्तर्गत महिन्द्रा ट्रयाक्टर खरिद गर्ने ग्राहकहरूलाई सो उपहार दिएको हो । सो योजनाअन्तर्गतका ग्राहकहरूको बीचमा लक्की–ड्र गरी तीन जनालाई सो उपहार दिएको कम्पनीले जनाएको छ ।

त्यसअन्तर्गत वीरगञ्ज निवासी आदेश कुँवरले महिन्द्रा इलेक्ट्रिक तीन पांग्रे रिक्सा–ट्रियो यारी, विर्तामोड निवासी मिसेक फयाकले जावा फोर्टी–टू मोटरसाइकल र चरिकोटबाट देवकोटा निर्माण सेवा प्रालिले पाञ्च केभीए क्षमताको महिन्द्रा पावरोल जेनेरेटर जितेका छन् ।

विजेताहरूलाई फरक–फरक समयमा स्थानीयस्तरमै आयोजना गरिएको कार्यक्रमहरूमार्फत पुरस्कार हस्तान्तरण गरिएको पनि कम्पनीले जनाएको छ ।

नेपालको अटोमोबाइल र ट्रयाक्टरहरूको बजारमा कृषक तथा ग्राहकहरूको आवश्यकता अनुरूप उल्लेखनीय भूमिका खेल्दै आएको अग्नी ग्रुपले ‘महिन्द्रा उत्सव’ योजना २०७६ देखि सञ्चालन गरेको थियो ।