![](https://i0.wp.com/corporatekhabar.com/wp-content/uploads/2024/07/corporatekhabar-800x200-1.jpg?fit=800%2C200&ssl=1)
![](https://i0.wp.com/corporatekhabar.com/wp-content/uploads/2023/06/IME-Life-1200x100-1.gif?fit=1200%2C100&ssl=1)
काठमाडौं । माल्दिभ्सको संसद्मा सांसदहरूबीच झडप भएको छ । आइतबार संसद्को बैठकस्थलमा उनीहरूबीच झगडा भएको हो ।
उनीहरूले एकार्कालाई मुक्का र लात्ती प्रहार गरेको र झगडा गरिरहेको भिडियो अहिले सामाजिक सञ्जालमा ‘भाइरल’ भएको छ ।
आइतबार त्यहाँ राष्ट्रपति मोहम्मद मुइज्जुको सरकारका मन्त्रीको संसदीय अनुमोदन गर्ने कार्यक्रम तय थियो ।
पिपुल्स नेसनल कांग्रेस (पीएनसी) र प्रोग्रेसिभ पार्टी अफ माल्दिभ्स (पीपीएम) को सत्ता गठबन्धन र विपक्षी दल माल्दिभियन डेमोर्क्याटिक पार्टी (एमडीपी) का सांसदबीच झडप भएको बताइएको छ ।
एक भिडियोमा एमडीपीका सांसद इसा र सत्तारूढ पीएनसीका अब्दुल्लाह शाहिम अब्दुल हकीमबीच झगडा भएको देखिएको छ । अर्को भिडियोमा एक सांसदले सभामुखको कानमा ठूलो आवाज आउने हर्न बजाइरहेको देखिन्छ । कैयौँ सांसदले बैठक अवरुद्ध गरेको बताइएको छ ।
सत्ता गठबन्धनका सांसदले विपक्षीलाई सदनमा प्रवेश गर्न रोक लगाएपछि झगडा भएको स्थानीय सञ्चारमाध्यमले जनाएको छ ।
FACEBOOK COMMENTS