म्यानहन्ट इन्टरनेशनल नेपाल २०२४ को विजेता बने अभिनव थापा

काठमाडौँ । म्यानहन्ट इन्टरनेशनल नेपाल २०२४ का विजेता अभिनव थापा बनेका छन् ।

ग्रुप अफ इभेन्ट इन्टरटेनर्स ‘जीईई’ को आयोजनामा भएको १३ औँ संस्करणको पुरुषहरूको सौन्दर्य प्रतियोगिता म्यानहन्ट इन्टरनेशनल नेपाल २०२४ को उपाधि थापाले जितेका हुन् ।

क्लब टेन एक्समा आयोजना गरिएको उक्त कार्यक्रममा टेन एक्सका सञ्चालक पौरख मर्दन बस्न्यात र जुरी मेम्बर क्रमश: प्रशान्त ताम्राकार, ओसिन बानूँ र सुशील श्रेष्ठले उनलाई सम्मान गरे ।

यस्तै मिस्टर इन्टरनेशनल नेपाल २०२४ को उपाधि दिलीप नेपालीले जितेका छन् भने रनरअपको उपाधि युनिक तुलाधरले जितेका छन् । उनीहरूलाई ट्रफी र टेन एक्सको तपर गिफ्ट ह्यामपर दिइएको छ ।