मेटलाइफ नेपालद्वारा इलामका बाढी तथा पहिरो पीडितहरूलाई सहयोग प्रदान

इलाम, । केहि महिना अघि इलाम जिल्लामा आएको विनाशकारी बाढी र पहिरो पछि, मेटलाइफ नेपालले ५०० लिटरको पानी जलाशय ट्याङ्की वितरण गरेर प्रभावित परिवारहरूलाई सहयोग गर्न इलामको सुनगाभा विकास संस्थासँग सहकार्य गरेको छ ।

२०८२ असोज १८ र १९ मा भएको भारी वर्षाले जिल्लाभरि व्यापक विनाश ल्याएको थियो — पुलहरू बगायो, घरहरूमा क्षति र्पुयायो र आवश्यक सेवाहरूमा पहुँच काटियो । धेरै घरपरिवारहरू सफा पानीको स्थिर स्रोतबाट बञ्चित भए, जसले गर्दा विस्थापन र पुनर्लाभको कठिनाइ भएको छ ।

सुरक्षित र भरपर्दो पानी भण्डारणको तत्काल आवश्यकतालाई पहिचान गर्दै, मेटलाइफ नेपालले सुनगाभासँग साझेदारी गरी दुर्गम क्षेत्रका केही सबैभन्दा प्रभावित परिवारहरूलाई टिकाउ जलाशय ट्याङ्कीहरू प्रदान गरेको छ । यस पहल मार्फत, ३३८ विस्थापित घरपरिवारमध्ये ८० भन्दा बढी परिवारहरूले अब पुनर्निर्माण चरणमा उनीहरूको दैनिक आवश्यकताहरू पूरा गर्न र सरसफाइ कायम राख्न मद्दत गर्न सुरक्षित पानी भण्डारणमा पहुँच पाउनेछन् ।

निष्पक्ष र पारदर्शी लाभार्थी छनोट सुनिश्चित गर्न स्थानीय वडा कार्यालयहरू र विपद् प्रतिक्रिया समितिहरूसँगको निकट समन्वयमा वितरण प्रक्रिया सञ्चालन भइरहेको छ । सुनगाभाका स्थानीय स्वयंसेवकहरू र प्राविधिक टोलीले प्रत्येक परिवारले सुरक्षित र समयमै ट्याङ्कीहरू प्राप्त गर्ने कुरा सुनिश्चित गर्न वितरण, कागजात र अनुगमनको निरीक्षण गर्नेछन् । यस पहलको बारेमा बोल्दै, मेटलाइफ नेपालका महाप्रबन्धक श्री निर्मल काजी श्रेष्ठले भन्नु भया,े “स्वच्छ पानीमा पहुँच केवल बाँच्नको बारेमा मात्र होइन– यो मर्यादा र आशाको बारेमा हो ।