ललिता निवास प्रकरण : ब्यवसाय माथि प्रचण्ड सरकारको बक्र दृष्टि

जिल्ला सरकारी वकिलले मुद्दा चलाएका २८९ जनामध्ये करिब डेढ दर्जन व्यक्ति त व्यापारिक घरानाका छन्

काठमाडौं । ललिता निवास जग्गा प्रकरणमा सरकारले ब्यवसाय माथि सरकारको बक्र दृष्टि लगाएको छ । निजि क्षेत्र देश विकाशको अभिन्न अंगको रुपमा ब्याख्या गरेता पनि ललिता निवास काण्डमा सरकारको निती ब्यवसायलाई अत्याउने र अपराधि करण गर्ने मात्र देखिन्छ ।

सरकारले ललिता निवास जग्गा प्रकरणमा निर्णयकर्तालाई उन्मुक्ति दिई दोस्रो वा तेस्रो व्यक्तिबाट जग्गा किन्ने व्यापारिक घरानाहरुलाई भने अभियुक्त बनाइएको छ । करोडौं रुपैयाँ बैंकबाट ऋण लिएर जग्गा किनेका चर्चित व्यवसायिक घरानाहरुसँग अर्बमा बिगो माग गरिएको छ ।

जिल्ला सरकारी वकिलले मुद्दा चलाएका २८९ जनामध्ये करिब डेढ दर्जन व्यक्ति त व्यापारिक घरानाका छन् । ललिता निवासको १४३ रोपनीभन्दा बढी जमिन हिनामिना गरेको आरोप लागेकाहरुलाई अर्बौंको बिगो दाबी गरिएको छ ।

ललिता निवास प्रकरणमा बिगो दाबी गरिएको व्यापारिक घराना भाटभटेनी सुपर मार्केटका सञ्चालक मीनबहादुर गुरुङसहित उनको परिवार नै मुछिएको छ । यद्यपि, उनीमात्र पक्राउ परे भने परिवारका अन्य सदस्यलाई फरार सूचीमा राखिएको छ ।

मीनबहादुरले सरकारी जग्गा व्यक्ति विशेषको नाममा दर्ता गरेको आरोप छ । उनलाई ४ अर्ब ९१ करोड ८१ लाख २४ हजार ६४६ रुपैयाँ बिगो बराबरको सरकारी जग्गा व्यक्ति विशेषको नाममा दर्ता गरेको आरोप छ ।

तर, मीनबहादुरले यस विषयमा दिएको बयानमा आफू र आफ्नो परिवार र उनको कम्पनीले ललिता निवासभित्रको जग्गा खरिद गर्दा नेपाल सरकारबाट जारी भएको जग्गाधनी प्रमाणपत्र पुर्जा हेरी तत्कालीन जग्गाधनीलाई रकम चुक्ता गरेको र सरकारलाई राजस्वसमेत तिरेर रजिष्ट्रेशन पास गरेको उल्लेख गरेका छन् । योबाहेक कुनै पनि कुरामा आफूहरुको संलग्नता नभएको उनले बयानमा भनेका छन् ।

यस्तै मीनबहादुरकी श्रीमती सावित्री घले गुरुङले २१३ कित्ता नम्बरको जग्गा भाटभटेनीसँग खरिद गरी आफ्नो नाममा बनाएको देखिएको भन्दै उनलाई ३८ करोड ८० लाख ९१ हजार ९३४ रुपैयाँ बिगो बराबरको सरकारी जग्गा आफ्नो नाममा बनाएको आरोप छ ।

मीनबहादुरकी छोरी कामना गुरुङको नाममा पनि १३९१.३७ वर्ग मिटर जग्गा दर्ता कायम भएको देखिएको छ । ६१ करोड ५५ लाख ५ हजार ७६८ रुपैयाँ बिगो बराबरको जग्गा आफ्नो नाममा बनाएको अनुन्धानबाट खुलेको हो ।

यता डीएलएफ प्रालिका सञ्चालक श्रवणकुमार गोयलले कम्पनीको नाममा ७३७७.०५ वर्ग मिटर जग्गा दर्ता कायम गरेको देखिएको छ । २ अर्ब २४ करोड ३६ लाख ५७ हजार ८०० रुपैयाँ बराबर समरजंग कम्पनीको जग्गा आफ्नो नाममा ल्याएको आरोप छ ।

शिवरतन सारडासमेत सञ्चालक रहेको डीएलएफ डेभलपर्सको नाममा पनि सोही बराबरको बिगो, सन्दीपकुमार सारडा, कैलाशचन्द्र गोयललाई पनि सोही बराबरको विगो माग गरेको देखिएको छ । यी सबै फरार सूचीमा छन् ।

यता कैलाशचन्द्र गोयलकी श्रीमती निर्मलादेवी गोयलले पनि समरजंग कम्पनीको नाममा रहेको जग्गा व्यक्ति विशेषको नाममा दर्ता गरेको आरोप छ । उनले ४२ करोड २ लाख ८१ हजार ७५५ रुपैयाँ बिगो बराबरको जग्गा आफ्नो नाममा पारेको आरोप छ ।

मीनबहादुर गुरुङका भाइ पहलमान गुरुङकी श्रीमती सरला गुरुङले सरस्वती घले गुरुङसँग संयुक्त नाममा २३३२.०२ वर्गमिटर क्षेत्रफल जग्गा दर्ता गरेको पाइएको छ । १ अर्ब ३८ करोड २८ लाख ५० हजार २७५ रुपैयाँ बिगो बराबरको जग्गा कायम गरेको पाइएको हो ।

यता सरला घले गुरुङको नाममा मात्र ७०.३६ वर्ग मिटर जग्गा अधिग्रहण गरेको, सरकारी जग्गा व्यक्ति विशेषको नाममा हुँदैन भन्ने थाहा हुँदाहुँदै आफ्नो नाममा पारेको भन्दै १ अर्ब ८ करोड ६९ लाख ५४ हजार ८०७ रुपैयाँ बिगो बराबरको सरकारी जग्गा व्यक्ति विशेषको नाममा पारेको आरोप छ ।

यस्तै किया मोटरका विक्रेता चर्चित व्यवसायी सुहृद घिमिरेले श्रीमती रेखा घिमिरेले खरिद गरेको जग्गामा साक्षी बसेर मुचुल्कामा सहीछाप गरेको देखिएको भन्दै उनलाई पनि आरोपित ठहर गरिएको हो । सोही अभियोगमा सुहृदलाई २३ करोड ४६ लाख ६६ हजार ६६७ रुपैयाँ विगो बराबरको सरकारी जग्गा व्यक्ति विशेषको नाममा दर्ता गर्दा साक्षी बसेको अभियोग छ ।

 

सुहृदकी श्रीमती रेखा घिमिरेले सरकारी जग्गा आफ्नो नाममा सारेर खण्डीकरण गरी विभिन्न व्यक्तिको नाममा बिक्री गरेको भन्दै ७० करोड ३९ लाख १४ हजार ४४६ रुपैयाँ बिगो बराबरको सरकारी जग्गा हड्पेको आरोप छ ।

 

नविन खेतानकी श्रीमती सीपिका खेतान, सुमितकुमार वंशलकी श्रीमती देवान्सी गोयल, डिम्पल वंशल, देवान्सी गोयल, गोविन्दलाल सांघाइ, मनोजकुमार केडियासमेतको नाममा जग्गा कायम भएको देखाइएको छ । यद्यपि यिनीहरुको बिगो रकम भने खुलाइएको छैन ।

१९८६ देखि १९८९ सालसम्म प्रधानमन्त्री बनेका श्री ३ भीमशमशेरले किनेको र पछि यो जग्गा उनका शाखासन्तानमा हस्तान्तरण हुँदै आएको देखिन्छ । बालुवाटारको २९९ रोपनी ९ आना जग्गा र त्यहाँ निर्मित दरबार नै ‘ललिता निवास’ हो ।

मालपोतको अभिलेखअनुसार उक्त जग्गा भीमशमशेरले १९८८ सालमा खरिद गरेको देखिन्छ । राणा प्रधानमन्त्री भीमशमशेरका नाममा १९८८ साल माघ २५ गते २८७ रोपनी ५ आना जग्गा लालमोहर लागेको थियो । पछि हाल साबिक गर्दा २९९ रोपनी ९ आना देखियो । ललिता निवास भीमशमशेरले छोरा हिरण्यशमशेरलाई अंश दिए । पछि हिरण्यशमशेरबाट उनका छोरा सुवर्णशमशेरमा हस्तान्तरण भयो । लालपुर्जा हेरर ऋण समेत लिएर जग्गा किनेका व्यवसायीहरु भने अहिले लुकेर बस्नु परेको छ । भने बैंकको करोडौ रुपैँया समेत फसेको छ ।