मनि ट्रान्सफरका सञ्चालकमाथि रौतहटमा गोली प्रहार, ३ भारतीय पक्राउ

काठमाडौं । रौतहटमा मनि ट्रान्फसरका सञ्चालकमाथि गोली प्रहार भएको छ । शिव मनि ट्रान्सफरका सञ्चालक २६ वर्षीय नितेश साहमाथि शुक्रबार गोली प्रहार भएको हो ।

उनका अनुसार कटुवा पेस्तोलबाट उनको कन्चटमा गोली लागेको र अवस्था गम्भीर छ। गोली प्रहार गर्ने तीनै जना भारतीय रहेको र उनीहरुलाई हतियारसहित नियन्त्रणमा लिइएको प्रहरीले बताएको छ ।

पक्राउ पर्नेमा भारतीय नागरिकहरु मनिस कुमार यादव, राजाकुमार पासवान र चन्द्रभान सिंह छन् । उनीहरुको साथबाट प्रहरीले कटुवा पेस्तोल पनि बरामद गरेको छ ।

गोली प्रहारबाट घाइते रौतहटको परवाहा नगरपालिका ९ का नितेश साहको वीरगन्ज न्यूरो अस्पतालमा उपचार भइरहेको छ । उनको अवस्था गम्भीर छ ।