बुद्धभूमि हाइड्रोको आईपीओमा १५ लाखभन्दा बढी कित्ता आवेदन

काठमाडौँ, भदौ १३। बुद्धभूमि नेपाल हाइड्रोपावर कम्पनीको आईपीओमा भदौ ११ सम्म १५ करोड ३१ लाख बराबरको आवेदन परेको छ ।

कम्पनीले साउन ३२ देखि बिक्रीमा ल्याएको आईपीओका लागि १५ लाख ३१ हजार ८६५ कित्ताका लागि आवेदन परिसकेको बिक्री प्रवन्धकक सिभिल क्यापिटलले जानकारी दिएको छ । सिभिल क्यापिटलका अनुसार यो संख्या बिक्रीमा ल्याएको संख्याभन्दा ३८३ प्रतिशतले बढी हो ।

यो कम्पनीले १०० अंकितका दरले ४ लाख कित्ता सेयर नुवाकोट जिल्लाभरिका बासिन्दाका लागि निष्कासन गरेको हो । यो आईपीओ छिटोमा भदौ १५ र ढिलोमा भदौ २९ गतेसम्ममा बिक्री बन्द हुनेछ ।

कम्पनीको आईपीओमा ज्योती विकास बैंकको (बट्टार, छहरे, देउराली, रानीपौवा, महादेवफाँट, सामरी, समुन्द्रटार, त्रिशुली नुवाकोट, गल्छी धादिङ्ग) शाखा, प्रभु बैंकको ( बट्टार, महादेभफाँट नुवाकोट) शाखा तथा सिभिल बैंकको ककनी एक्सटेन्सन काउन्टर, टोखा, चावहिल, गोङ्गबु, स्वयम्भू, कपन तथा मुख्य शाखा कार्यालयबाट आवेदन दिन सक्ने व्यवस्था मिलाइएको छ ।