भारतमा एकै दिन १६ हजार बढी कोरोना संक्रमित भेटिए

नयाँ दिल्ली – भारतमा कोभिड १९ सङ्क्रमितको सङ्ख्या शनिबार ३४ करोड १५ लाख ९ हजार ५६२ पुगेको छ। पछिल्लो २४ घण्टामा देशभर १६ हजार ३२६ नयाँ सङ्क्रमितहरू फेला परेका छन्।

संघीय स्वास्थ्य मन्त्रालयको पछिल्लो तथ्याङ्क अनुसार शुक्रबार बिहानदेखि कोभिड महामारीका कारण ६६६ जनाले ज्यान गुमाएका छन्। यो सँगै मृतकको सङ्ख्या ४ लाख ५३ हजार ७०८ पुगेको छ। सङ्क्रमणबाट ज्यान गुमाउनेमा दक्षिण भारतको केरला प्रदेशका बढी रहेको मन्त्रालयले जनाएको छ।

यसैगरी हालसम्म ३ करोड, ३५ लाख ३२ हजार १२६ जना सङ्क्रमित उपचारपछि निको भएर डिस्चार्ज भएका छन्। जसमध्ये  पछिल्लो २४ घण्टामा १७ हजार ६७७ जना छन्।