‘सि.टि.एक्सप्रेस मुन्द्रेको कमेडी क्लब’ चैत्र २ गतेदेखी कान्तिपुर टेलिभिजनमा

काठमाडाैं । कि इन्टरटेन्मेन्ट तथा एडी रिलिजको सहकार्यमा चैत्र २ गते देखी लोकप्रिय कमेडी साे मुन्द्रे कमेडि क्लब पुन : ‘सि.टि.एक्सप्रेस मुन्द्रे कमेडि क्लब’काे नामबाट प्रसारण  हुने भएको छ ।

उक्त कमेडी साे प्रत्येक बिहिबार बेलुकी ९ बजे कान्तिपुर टेलिभिजनबाट प्रसारण हुनेछ ।

कार्यक्रमको मुख्य प्रायोजकमा सि.टि. एक्सप्रेस मनि ट्रान्सफर रहेको छ भने मार्केटिङ एडी रिलिज प्रालीले गर्नेछ ।

कमेडी साेकाे मुख्य कलाकारकाे भुमिकामा  जितु नेपाल र नायिका प्रियाका कार्की रहेका छन् । कार्यक्रमको निर्देशन दिनेश डिसिले गर्ने भएका छन् ।

त्यसैगरी, कलाकार दमन रुपाखेति , राजेन्द्र नेपाली ‘लट्टे’, प्रभात लामा , दिनेश काफ्ले, श्याम राना, एलिना बास्कोटा साथै अरु पनि कलाकार रहेको आयोजक टिमले जनाएको छ ।

देशका लब्ध प्रतिष्ठत विभिन्न विधाको व्यक्तिहरु पाहुनाको रुपमा ल्याई मनोरञ्जन प्रदान गरिने विश्वास आयोजक टिमले लिएको  छ ।