नाडा अध्यक्ष थापाले लिए सपथ, गरिमा उच्च हुने गरी काम गर्ने प्रतिबद्धता

काठमाडौं ।  नाडा अटोमोबाइल एसोसिएसन अफ नेपालका नवनिर्वाचित अध्यक्ष ध्रुवबहादुर थापाले सपथ लिएका छन् ।

नाडाका निबर्तमान अध्यक्ष कृष्णप्रसाद दुलाल समक्ष उनले सपथ लिएका हुन् । आफूले सपथ लिएपछि अध्यक्ष थापाले नवनिर्वाचित कार्यसमितिलाई सपथ खुवाएका छन् ।

सपथ ग्रहणसँगै निबर्तमान अध्यक्ष दुलालले नवनिर्वाचित अध्यक्ष थापालाई पदभार हस्तान्तरण गरेका छन् । पदभार ग्रहण गर्दै अध्यक्ष थापाले नाडाको गरिमा उच्च हुने गरी आफ्नो कार्यसमितिले काम गर्ने प्रतिबद्धता व्यक्त गरे । सम्पूर्ण कार्यसमितिको साथ र सहयोग लिएर आफू अगाडि बढ्ने र सबैलाई समेट्ने उनको भनाइ छ ।