सोमबार, जेठ १८, २०८३
कर्पोरट खबर
1:18 pm, सोमबार, जेठ १८, २०८३
काठमाडौं । नेपालको शक्ति खेल (स्ट्रेन्थ स्पोट्र्स) इतिहासमा नयाँ अध्याय थप्ने उद्देश्यसहित डब्लुआरपीएफ नेपाल (विश्व रअ पावरलिफ्टिङ महासंघ नेपाल) ले नेपालमै पहिलो पटक डब्लुआरपीएफ नेपाल हिमालयन प्रो २०२६ पावरलिफ्टिङ राष्ट्रिय च्याम्पियनसिपआयोजना गर्ने घोषणा गरेको छ ।
प्रतियोगिता २०२६ सेप्टेम्बर ११ र १२ (भदौ अन्तिम साता) मा सम्पन्न हुनेछ । यो प्रतियोगिताले नेपाली पावरलिफ्टरहरूलाई विश्वकै द्रुत रूपमा विस्तार भइरहेको अन्तर्राष्ट्रिय पावरलिफ्टिङ महासंघ डब्लुआरपीएफअन्तर्गत प्रतिस्पर्धा गर्ने तथा अन्तर्राष्ट्रिय मान्यता प्राप्त गर्ने अवसर प्रदान गर्नेछ ।
डब्लुआरपीएफ नेपालको नेतृत्व अन्तर्राष्ट्रिय प्रतिनिधि तथा अध्यक्ष रसना प्रधानले गरिरहकी छिन् । उनीसँगै आशिष महर्जन, वासुदेव श्रेष्ठ, राजन मुनिकर, बिनी अमात्य तथा सुरभ शाक्य सम्मिलित टोलीले नेपालमा पावरलिफ्टिङ खेलको विकास तथा अन्तर्राष्ट्रिय स्तरमा नेपाली खेलाडीहरूको पहुँच विस्तार गर्ने लक्ष्यसहित कार्य गरिरहेको छ ।
आयोजकका अनुसारडब्लुआरपीएफ नेपाल स्थापना गर्नुको मुख्य उद्देश्य नेपाली पावर लिफ्टरहरूलाई अन्तर्राष्ट्रिय मञ्चसम्म पुर्याउनु, उनीहरूको प्रतिभालाई विश्वसामु चिनाउनु तथा खेलको समग्र विकासका लागि नयाँ अवसरहरू सिर्जना गर्नु हो ।
प्रेस मिट कार्यक्रममा बोल्दैडब्लुआरपीएफनेपालकी अध्यक्ष रसना प्रधानले भनिन्– ‘नेपालमा पावरलिफ्टिङ खेलको लोकप्रियता तीव्र रूपमा बढिरहेको छ । तर धेरै प्रतिभाशाली खेलाडीहरूले अन्तर्राष्ट्रिय रूपमा मान्यता प्राप्त प्रतिस्पर्धात्मक प्लेटफर्ममा पहुँच पाएका छैनन् । डब्लुआरपीएफनेपालले यही खाडल पुरा गर्दै नेपाली खेलाडीहरूलाई निष्पक्ष अवसर प्रदान गर्ने तथा विश्व मञ्चमा नेपालको प्रतिनिधित्व गर्ने बाटो खोल्ने लक्ष्य राखेको छ ।’
डब्लुआरपीएफ नेपाल हिमालयन प्रो २०२६ पावरलिफ्टिङ राष्ट्रिय च्याम्पियनसिप विशेष रूपमा नेपाली नागरिकहरूका लागि मात्र खुला हुनेछ। यसले नेपाली खेलाडीहरूलाई विश्वव्यापी डब्लुआरपीएफ समुदायको हिस्सा बन्ने अवसर प्रदान गर्नेछ।
आयोजकहरूले प्रतियोगिता केवल प्रतिस्पर्धा मात्र नभई इतिहास निर्माणको अवसर भएको बताएका छन्। प्रतियोगिताका विजेता तथा सहभागीहरू नेपालमा पहिलो पटक आयोजना हुनेडब्लुआरपीएफ राष्ट्रिय च्याम्पियनसिपको हिस्सा बन्नेछन्, जसले नेपालको पावरलिफ्टिङ इतिहासमा महत्वपूर्ण योगदान पुर्याउने विश्वास गरिएको छ।
देशभरका खेलाडीहरूको सहभागिता अपेक्षा गरिएको यस प्रतियोगिताले विभिन्न तौल समूहमा नेपालका उत्कृष्ट तथा शक्तिशाली खेलाडीहरूको पहिचान गर्नेछ।
प्रतियोगिताका विधा तथा तौल समूह
पुरुष ओपन (पुरुष खुला)
६० केजी
६७.५ केजी
७५ केजी
८२.५ केजी
९० केजी
१०० केजी
महिला ओपन (महिला खुला)
५२ केजी
५६ केजी
६० केजी
६७.५ केजी
७५ केजी
७५ केजीभन्दा माथि
पुरुष जुनियर (२३ वर्षमुनि)
६० केजी
६७.५ केजी
७५ केजी
८२.५ केजी
९० केजी
१०० केजी
महिला जुनियर (२३ वर्षमुनि)
५२ केजी
५६ केजी
६० केजी
६७.५ केजी
७५ केजी
७५ केजीभन्दा माथि
यो प्रतियोगिताले खेलाडी, प्रशिक्षक, जिम सञ्चालक, खेलप्रेमी तथा समर्थकहरूलाई एकै स्थानमा ल्याई नेपालको शक्ति खेल समुदायलाई अझ बलियो बनाउने अपेक्षा गरिएको छ।
प्रतियोगिताको स्थान, दर्ता प्रक्रिया, नियमावली तथा अन्य विस्तृत जानकारी डब्लुआरपीएफ नेपालले आगामी दिनहरूमा आफ्ना आधिकारिक सामाजिक सञ्जालमार्फत सार्वजनिक गर्ने जनाएको छ।
यो केवल एउटा च्याम्पियनसिप होइन, नेपाली पावरलिफ्टिङको नयाँ युगको सुरुवात हो। यसले नेपाली खेलाडीहरूलाई उनीहरूले योग्य अन्तर्राष्ट्रिय मान्यता प्राप्त गर्ने अवसर प्रदान गर्नेछ।
