एनसेलको ६ वटा टावरमा पनि काटियो बिजुली

काठमाडौं । महसुल भुक्तानी गर्न बाँकी उद्योगहरूको विद्युत् लाइन काट्न उद्दत रहेको नेपाल विद्युत् प्राधिकरणले दूरसञ्चार सेवाप्रदायक एनसेलका ६ वटा टावरमा पनि लाइन काटेको छ ।

प्राधिकरणले आज शुक्रबार सिमभन्ज्याङ, कुलेखानी, देउराली, सल्ले, फाखेल मार्खु र कुन्छालमा रहेका एनसेल टावरको लाइन काटेको हो । ती टावरमा प्रयोग भएको विद्युतबापतको महसुल कम्पनीले तीन महिनादेखि नतिरेको भन्दै लाइन काटिएको बताएको छ ।

पटक–पटक बक्यौता रकम बुझाउन ताकेता गर्दा पनि अटेर गरेपछि टावरको लाइन काटिएको प्राधिकरणले जनाएको छ ।

मकवानपुरको थाहा नगरपालिका र इन्द्रसरोवर गाउँपालिकामा क्षेत्रमा एनसेलका १३ वटा टावर छन् । ती टावरहरूले ७ लाख ४३ हजार रुपैयाँ बक्यौता तिर्न बाँकी रहेको प्राधिकरणको पालुङ वितरण केन्द्रले जनाएको छ ।

डेडिकेटेड र ट्रङ्क लाइन प्रयोग गरेको प्रमाण प्राधिकरणले पेश गरे महसुल तिर्छौँ : उपाध्यक्ष कुँवर

महसुल तिर्न हम्बल रिक्वेस्ट गर्दै कुलमानले भने– उद्योगहरूले खपत गरेको तथ्याङ्क सुरक्षित छ