एनसेलले पायो ‘मल्टिनेशनल कम्पनी अफ द इयर’ अवार्ड (भिडिओ)

काठमाडौं । निजी क्षेत्रको पहिलो जीएसएम मोबाइल सेवाप्रदायक कम्पनी एनसेलले ‘कर्पोरेट बिजनेश अवार्ड २०२५’ प्राप्त गरेको छ ।

रक्षामन्त्री मानवीर राई, कृषि तथा पशुपक्षी विकासमन्त्री रामनाथ अधिकारी, उद्योग वाणिज्य महासंघकी भुतपुर्व अध्यक्ष भवानी राणा, कर्पोरेट मिडिया ग्रुपकी उपाध्यक्ष सुष्मा महराले संयुक्तरुपमा यो अवार्ड एनसेललाई प्रदान गर्नुभयो ।

एनसेलका तर्फबाट कम्पनीकी मार्केटिङ, कम्युनिकेशन एन्ड सस्टेनिविलिटी डाइरेक्टर पुनम सिंहले अवार्ड ग्रहण गर्नुभयो ।

एनसेलको बारेमा

सन् २००४ मा ‘मेरो मोबाइल’को नामबाट स्थापना भएको हालको ‘एनसेल’ निजी क्षेत्रबाट सञ्चालित नेपालकै पहिलो र ठूलो दूरसञ्चार सेवा प्रदायक कम्पनी हो । ‘टुडे, टुमरो, टुगेदर’ नाराका साथ मोबाइल टेलिकम्युनिकेशन सेवा प्रवाह गर्दै आएको एनसेलले भ्वाइस, डाटा, एसएमएस र डिजिटल सेवाहरू उपलब्ध गराउँदै आएको छ । टू–जी, थ्री–जी र फोर–जी हुँदै एलटीई प्रविधिको प्रयोगबाट आफूलाई परिस्कृत गर्दै आएको एनसेलसँग अहिले एक करोड ६० लाख भन्दा धेरै ग्राहक छन् ।

एनसेल नेपालकै ठूला करदाता कम्पनीहरूमध्येको पनि एक हो । स्थापना भएदेखि हालसम्म एनसेलले ३०० अर्ब रुपैयाँभन्दा बढी कर सरकारलाई तिरिसकेको छ भने सामाजिक उत्तरदायित्व (सीएसआर) मा एक अर्ब ८० करोड रुपैयाँभन्दा बढी खर्च गरिसकेको छ । एनसेलले सीएसआर अन्तर्गत शिक्षा, स्वास्थ्य र वातावरणको क्षेत्रमा काम गर्दै आएको छ भने संयुक्त राष्ट्रसंघको दिगो विकास लक्ष्यलाई समेत टेवा पुगिरहेको छ ।

नेपालीहरूलाई आफ्नो नेटवर्कमार्फत जोड्ने लक्ष्य राखेर उच्च–गुणस्तरको आधुनिक सेवासुविधा प्रदान गर्दै ग्राहकको सर्वाधिक विश्वास जितिरहेको एनसेलले सरकारको डिजिटल नेपाल अवधारणालाई साकार पार्न योगदान पुर्‍याउने लक्ष्य बोकेको छ । यस्तै, डिजिटल सेवा, नवीनता, लगानी तथा जीवनलाई समृद्ध बनाउने सेवाहरूलाई विविधिकरण गर्दै अघि बढ्ने सङ्कल्प कम्पनीको छ ।

एनसेल ब्राण्डमा स्थापना भएको चार वर्षपछि सन् २००८ मा स्विडेनको ‘टेलिया सोनेरा ग्रुप’ले यो कम्पनी अधिग्रहण गर्‍यो भने सन् २०१६ मा एनसेल ‘आजिआटा ग्रुप बेर्हाद’को हिस्सा बन्यो । त्यसपछि सन् २०२० मा एनसेललाई सार्वजनिक कम्पनीका रूपमा रुपान्तरण गरी हाल साधारण शेयर (आईपीओ) जारी गर्ने तयारीमा छ ।

सन् २०२३ मा बेलायतको स्प्रेक्टलाइट यूके लिमिटेडले एनसेलको ८० प्रतिशत शेयर स्वामित्व लिएको ‘रिनोल्ड्स होल्डिङ्स लिमिटेड’को शतप्रतिशत शेयर खरिद गरेपछि यो कम्पनी पूर्णतः नेपालीको स्वामित्वमा आएको छ । रिनोल्ड्स नेपाली मुलका व्यवसायीद्वारा नेतृत्व गरिएको कम्पनी हो ।

भिडिओ–