कर्पोरट खबर
2:32 pm, शनिबार, चैत २३, २०८१
काठमाडौं । फ्रेट फरवार्डिङ व्यवसायीहरूको राष्ट्रिय सङ्गठन नेपाल फ्रेट फरवार्डर्स एसोसिएशन (नेफा) का अध्यक्ष राजेन्द्र सङ्ग्रौलाले ‘कर्पोरेट एलिट लिडरशिप अवार्ड, २०२५’ प्राप्त गर्नुभएको छ ।
कर्पोरेट म्यागजिनले उहाँलाई सो अवार्ड प्रदान गरेको हो ।
बिहीबार काठमाडौंको लाजिम्पाटस्थित र्याडिसन होटेलमा आयोजित ‘कर्पोरेट बिजनेश अवार्ड, २०२५’ समारोहमा उहाँलाई सो अवार्ड प्रदान गरिएको कर्पोरेट म्यागजिनका संस्थापक सम्पादक उज्वलजंग शाहले जानकारी दिनुभयो ।
कार्यक्रमका प्रमुख अतिथि रक्षामन्त्री मानवीर राई, अवार्ड छनोट समिति संयोजक तथा नेपाल उद्योग वाणिज्य महासङ्घ (एफएनसीसीआई) की पूर्वअध्यक्ष भवानी राणा, कर्पोरेट मिडियाकी उपाध्यक्ष सुष्मा महरालगायतले उहाँलाई अवार्ड प्रदान गर्नुभएको थियो ।
राजेन्द्र सङ्ग्रौलाबारे
वि.स. २०२५ साल माघ १५ गते मेचीनगर–७ झापामा जन्मिनुभएका राजेन्द्र सङ्ग्रौला युनिक फ्रेट इन्टरनेशनल प्रालिका सह–संस्थापक र बिक्री तथा सञ्चालन निर्देशक हुनुहुन्छ । नेपालको फ्रेट फर्वार्डिङ उद्योगमा ३५ वर्षभन्दा धेरै समय व्यतीत गर्नुभएका उहाँ नेपाल फ्रेट फरवार्डर्स एसोसिएशन (नेफ्फा) का अध्यक्ष समेत हुनुहुन्छ ।
नेफ्फा नेपालको फ्रेट फरवार्डिङ व्यवसायीहरूको राष्ट्रिय सङ्गठन हो, जसले आयात–निर्यात प्रक्रियामा सहजीकरण गर्दै आएको छ । यसले सरकार, दातृ निकायहरू र अन्तर्राष्ट्रिय संस्थाहरूसँग समन्वय गरी व्यापार सहजीकरणमा योगदान समेत पुर्याउँदै आएको छ ।
अन्तर्राष्ट्रिय बजारमा प्रतिस्पर्धा गर्न नयाँ प्रविधिको अवलम्बन, नयाँ पुस्तालाई फ्रेट फरवार्डिङ पेशामा आकर्षित गर्ने र कर्मचारीहरूको दक्षता अभिवृद्धि गर्न प्रशिक्षण तथा क्षमता विकासमा उहाँको जोड छ । उहाँले व्यापारिक क्षेत्रको समृद्धि र व्यवसायीहरूको हकहितको संरक्षणमा जोड दिनुभएका कारण नेपालको व्यापारिक गतिविधिहरूलाई सशक्त बनाउने काममा टेवा पुग्दै आएको छ ।
उहाँ नेपाल उद्योग वाणिज्य संघ, काठमाडौंका कार्यसमिति सदस्य, नेपाल इन्टरमोडल ट्रान्स्पोर्ट डेभलपमेन्ट बोर्डका सदस्य, नेपाल उद्योग वाणिज्य महासंघका व्यापार मेला समिति सदस्य समेत हुनुहुन्छ ।
उहाँले एक्टिभ एअर कार्गो प्रालिमा जनरल म्यानेजर रहेर पनि काम गरिसक्नुभएको छ । बिक्री, सञ्चालन र रणनीतक नेतृत्वमा अब्बल सङ्ग्रौलाले त्रिचन्द्र कलेजबाट बीएससी गर्नुभएको छ ।
हेर्नुहोस् भिडिओ–
FACEBOOK COMMENTS