टी–२० विश्वकप छनोटः मलेसियाविरुद्धको खेलमा अर्नाको ८ लाखबढी खर्च, कुन खेलाडीले कति पाउने?

काठमाडौँ । टी–२० विश्वकप छनोट प्रतियोगितामा मंगलबार कीर्तिपुरस्थित अन्तर्राष्ट्रिय क्रिकेट मैदानमा नेपाल र मलेसियाबिच खेल भइ रहेको छ । टीयू क्रिकेट मैदानमा जारी ‘समूह ए’ अन्तरगर्तको खेलमा मलेसियाविरुद्ध बलिङ गर्दै अभिनास बोहोराले १ लाख ३ हजार कमाएका हुन् ।

विश्वकप छनौट अन्तर्गतको खेलमा खेलाडीलाई प्रोत्साहन गर्ने नीतिसहित अर्ना बियरले प्रत्येक विकेटमा २५ हजार रुपैयाँ दिने उद्घोष गरेको छ भने मेडन ओभरको १० हजार रुपैयाँ दिने उद्घोष गरेको छ । यस्तै, प्रति डटबलमा समेत एक हजार रुपैयाँ दिने अर्नाको उद्घोष गरेको छ । साथै क्याच समातेको २५ हजार रुपैयाँ र रन आउट स्टम्प्डको २५ हजार रुपैयाँ दिने घोषणा छ ।

मलेसियाविरुद्धको खेलमा अभिनास बोहोरा ४ विकेट लिँदै सबैभन्दा धेरै विकेट लिने खेलाडीका रुपमा रहेका छन् । यस्तै, उनले ३ डटबल फालेका छन् ।

यसपछि २ क्याच आट गरेका कुसल भुरर्तेलले ५० हजार रुपैयाँ पाउने छन् । १ विकेट लिँदै ८ डट बल फालेका सन्दिप लामिछानेले ३३ हजार रुपैयाँ, १ विकेट लिँदै ६ डट बल फालेका गुल्सन झाले ३० हजार रुपैयाँ, १ विकेट लिँदै ४ डट फालेका रोहित पौडेलले २९ हजार रुपैयाँ पाउने छन् र विनाविकेट ५ डटबल फालेका करण के.सीले ५ हजार रुपैयाँ, विनाविकेट ४ डटबल फालेका कुशल मल्लले ४ हजार रुपैयाँ र विनाविकेट २ डटबल फालेका सोमपाल कामीले २ हजार रपैयाँ पाउनेछन् । साथै गुल्सन झा र आसिफ शेखले समान १२ हजार ५ सय रुपैयाँ पाउने छन् भने करण के.सी र आसिफ शेखले समान १२ हजार ५ सय रुपैयाँ पाउने छन् ।

बलर, स्टम्पर, क्याचर र थ्रोगर्ने सबैलाई गरेर अर्ना वियरले ३ लाख १३ हजार ५ सय रुपैयाँ दिनु पर्ने छ ।

विश्वकप छनौटको आफ्नो पहिलो खेलअन्तर्गत १६६ रनको विजयी लक्ष्य पाएको नेपालका ब्याट्सम्यानले समेत उल्लेख्य रकम पाउने भएका छन् । अर्नाले ब्याट्सम्यानलाई प्रतिरनमा १ हजार रुपैयाँ दिने घोषणा गरेको छ । यस्तै कम्पनीले प्रति चौका १० हजार र प्रति छक्का प्रहारमा २० हजार रुपैयाँ उद्घोष गरेको छ । साथै, प्रति चौका र छक्कामा बनेको रन ‘सिंगल रन’ मा समेत गणना हुने अर्नाको उद्घोष छ ।

सुरुवाती ब्याटिङ गर्दै मलेसियाले दिएको १६६ रनको लक्ष्य पछ्याउनेक्रममा ब्याट्सम्यान कुशल मल्लले सबैभन्दा धेरै रकम पाउने भएका छन् । उनले ३४ बलको सामना गर्दै २ चौका र ७ छक्का प्रहार गर्दै ६५ रन बनाए । यसअनुसार २ चौका प्रहार गर्दा १० हजारका दरले २० हजार र ७ छक्काबाट २० हजारका दरले १ लाख ४० हजार पाउनेछन् । यस्तै, प्रति रनबाट १ हजारका दरले ६५ हजार रुपैयाँ पाउनेछन् । सिंगापुरविरुद्धको खेलमा उनले कूल २ लाख २५ हजार रुपैयाँ पाउने भएका छन् ।

यस्तै, तेस्रो नम्बरमा ब्याटिङ गर्न आएका कप्तान रोहितले २ रन बनाएर २ हजार रुपैयाँ पाउने भएका छन् भने ओपनिङ ब्याट्सम्यान कुशल भुर्तेलले १ लाख ६३ हजार रुपैयाँ पाउने भएका छन् । उनले समान ४ ४ चौका र छक्काको मद्धतमा ४३ रन बनाए । यसबाहेक, २ छक्का र १ चौकाको सहयोगमा ३२ रन बनाएका आसिफ शेखले ८२ हजार रुपैयाँ पाउनेछन् भने २ चौकाको मद्धतमा १८ रन बनाएका सन्दीप जोराले ३८ हजार र २ बलमा २ रन बनाएका विवेक यादवले २ हजार पाउनेछन् ।

कम्पनीको उद्घोष अनुसार आज सिंगापुरविरुद्ध बलिङ गरेका सबै बलरले कूल ३ लाख १३ हजार ५ सय र ब्याट्सम्यानले ५ लाख १२ हजार रुपैयाँ पाउनेछन् ।