आजदेखि प्रसारण हुँदै ‘नेपाल आइडल–४’

काठमाडौं– नेपाली रियालिटी शो ‘नेपाल आइडल’ को चौथो संस्करण आज देखि एपीवान टेलिभिजनमा प्रसारण हुँदैछ ।

नेपाल आइडलको नयाँ संस्करणलाई अघिल्ला सिजनभन्दा शसक्त रुपमा ल्याउने योजना रहेको आयोजक संस्थाले बताएको छ । आजदेखि यो कार्यक्रम प्रत्येक हप्ता बिहीबार तथा शुक्रबार राति ८ः३० बजेदेखि प्रसारण हुनेछ ।

यो रियालिटी शोमा यसपटक संगीतकार शम्भुजित बास्कोटा, गायक सुगम पोखरेल तथा गायिका सुवानी मोक्तान निर्णायकको रुपमा रहेका छन् । शोको होस्ट आशिफ शाहले गर्नेछन् भने उनको को–होस्टमा रेश्मा घिमिरे रहने छिन् ।

पहिलो सिजनदेखि तेस्रो सिजनसम्म न्ह्यू बज्राचार्य, कालीप्रसाद बास्कोटा र इन्दिरा जोशी निर्णायक रहेकोमा यो सिजनबाट नयाँ जज ल्याइएको हो ।