![](https://i0.wp.com/corporatekhabar.com/wp-content/uploads/2024/07/corporatekhabar-800x200-1.jpg?fit=800%2C200&ssl=1)
![](https://i0.wp.com/corporatekhabar.com/wp-content/uploads/2023/06/IME-Life-1200x100-1.gif?fit=1200%2C100&ssl=1)
काठमाडौं । जीवन बीमा कम्पनी नेपाल लाइफ इन्स्योरेन्स कम्पनीले दुई शैक्षिक संस्थामा सवा अर्ब रुपैयाँ लगानी गर्ने निर्णय गरेको छ ।
लगानी विविधिकरणको रणनीतिलाई मूर्त रूप दिने क्रममा कम्पनीले ‘ग्लोबल ग्रुप’का रुपमा परिचित प्रोफेसनल एजुकेटर्स लिमिटेड र युनिग्लोब हायर सेकेन्डरी स्कुलमा ठूलो लगानी गर्ने निर्णय गरेको हो ।
हिजो आइतबार काठमाडौंस्थित होटेल रोयल सिङ्गीमा आयोजित एक कार्यक्रममा दुई संस्थाका अधिकारीहरूले हस्ताक्षर समेत गरेका छन् । लगानीसम्बन्धी सम्झौतामा नेपाल लाइफका प्रमुख कार्यकारी अधिकृत (सीईओ) प्रवीण रमण पराजुली र प्रोफेसनल एडुकेटर्स लिमिटेडका कार्यकारी अध्यक्ष प्रा.डा. खगेन्द्र प्रसाद ओझाले हस्ताक्षर गरेका छन् ।
हस्ताक्षरपछि नेपाल लाइफले प्रोफेसनल एडुकेटर्स लिमिटेडमा ७३ करोड ७२ लाख ८९ हजार ६ सय रुपैयाँ लगानी गरी ३५.३२ प्रतिशत स्वामित्व र युनिग्लोब हायर सेकेन्डरी स्कुलमा ६० करोड रुपैयाँ लगानी गरी ४७.६२ प्रतिशत स्वामित्व प्राप्त गर्ने भएको छ ।
FACEBOOK COMMENTS