५३ खर्ब पुग्यो बैंक तथा वित्तीय संस्थाको निक्षेप

काठमाडौं । बैंक तथा वित्तीय संस्थामा  ५३ खर्ब रुपैयाँ भन्दा बढी निक्षेप सङ्कलन भएको छ ।

नेपाल राष्ट्र बैंकको पछिल्लो विवरण अनुसार पुस २० गतेसम्म बैंक तथा वित्तीय संस्थामा  ५३ खर्ब दुई अर्ब रुपैयाँ निक्षेप सङ्कलन भएको हो । पुस १९ सम्म वाणिज्य बैंक विकास बैंक र फाइनान्स कम्पनीसँग ५२ खर्ब ९५ अब रुपैर्याँ निक्षेप रहेकोमा पुस २० गते रु ५३ खर्ब २ अर्ब रुपैयाँ पुगेको हो । गत मङ्सिरको अन्तिमसम्ममा ५२ खर्ब रुपैयाँ हराहारीमा रहेको निक्षेप सङ्कलन पछिल्लो समय बढ्न थालेको हो । राष्ट्र बैंकको तथ्याङ्कअनुसार वाणिज्य बैंकमा मात्रै ४६ खर्ब ७५ अब रुपैर्याँ निक्षेप सङ्कलन भएको छ ।

पुस २० गतेसम्म बैंक तथा वित्तीय संस्थाले ४७ खर्ब ६७ अर्ब रुपैयाँ बराबरको कर्जा लगानी गरेका छन् । यस अवधिमा बैंक तथा वित्तीय संस्थाको औसत सिडी रेसियो ८६ दशमलव ५६ प्रतिशत छ । बैंकमा लगानीयोग्य रकम बढेकै कारण अन्तर बैंक सापटीको ब्याजदर पनि घटेर ६ दशमलव ८३ प्रतिशत पुगेको छ ।