कर्पोरट खबर
खोटाङ । खोटाङको रावाबेँसी गाउँपालिकामा राष्ट्रिय वाणिज्य बैंकको शाखा स्थापना भएको छ ।
रावाबेँसी गाउँपालिका-१ कुभिन्डेको हरमटारमा बैंकको २५७औँ शाखा विस्तार भएकाे हाे । मंगलबार बिहान लोकसेवा आयोगका अध्यक्ष माधवप्रसाद रेग्मीले बैंकको शाखा कार्यालय उद्घाटन गरेका हुन् ।
आर्थिक कारोबारका लागि दिक्तेल पुग्नुपर्ने बाध्यता अन्त्यका लागि गाउँपालिकाले गरेको आग्रहअनुसार कुभिन्डेको हरमटारमा राष्ट्रिय वाणिज्य बैंकको शाखा कार्यालय विस्तार गरिएको हो । रावाबेँसी शाखासहित खोटाङमा मात्र राष्ट्रिय वाणिज्य बैंकको शाखा कार्यालयको संख्या पाँच पुगेको छ ।
यसअघि दिक्तेल, ऐसेलुखर्क, बाक्सिला र खोटाङ बजारमा राष्ट्रिय वाणिज्य बैंकको शाखा कार्यालय स्थापना भइसकेको छ ।
FACEBOOK COMMENTS