नेपाली क्रिकेट टीमका प्रशिक्षक वाटमोरले दिए राजीनामा

काठमाडौं, ११ भदौ । नेपाली क्रिकेट टीमका मुख्य प्रशिक्षक डेभ वाटमोरले राजीनामा दिएका छन् ।

नेपाल क्रिकेट संघ (क्यान)का अध्यक्ष चतुरबहादुर चन्दले आफूलाई मुख्य प्रशिक्षक वाटमोरले ओमानमा हुने त्रिकोणीय श्रृङ्खलापछि लागू हुनेगरी राजीनामा दिएको बताएका छन् ।

वाटमोरले चन्दलाई पठाएको ई–मेलमा कोभिड–१९ महामारी र पारिवारिक कारणले गर्दा चाँडै टीमको जिम्मेवारीबाट हट्नु परेको उल्लेख गरेको बताइएको छ ।

वाटमोर डिसेम्बर २०२० मा नेपालको प्रशिक्षकमा नियुक्त भएका थिए । उनले २०२१ जनवरीबाट नेपाली टोलीको प्रशिक्षण सम्हालेका थिए ।