शनिबार, साउन ३१, २०८२
कर्पोरट खबर
11:17 am, शनिबार, साउन ३१, २०८२
काठमाडौँ । अखिल नेपाल जनसाँस्कृतिक महासंघले नेपाली चलचित्रको बजार बिदेशी सिनेमाको एकलौटी कब्जामा पुर्याइएको भन्दै आपत्ति जनाएको छ ।
शनिबार विज्ञप्ति जारी गर्दै नेकपा ( बहुमत) निकट अखिल नेपाल जनसाँस्कृतिक महासंघले बिगत लामो समयदेखि अनवरत रूपमा संघर्ष गर्दै आएको बताउदै बिनासर्त प्रदर्शनमा रहेका नेपाली चलचित्रहरूको तुरून्त प्रदर्शनीको व्यवस्था मिलाउन सम्बन्धित निकाय, संघ–संस्था र सरोकारवालाहरूलाइ हार्दिक अपील गरेको छ । महासंघले भनेको छ– ’आज नेपाली चलचित्र मोहर र सिटामोलले खेपिरहेका छन् ।
उक्त चलचित्रहरूले राष्ट्र र राष्ट्रियताको पक्षमा नेपाली कला साहित्य र लोकसंस्कृतको पक्षमा आमसर्वसाधरण जनताको मनजितेर व्यावसायिक रूपमा सफलताको सिढी चढ्दै गर्दा निर्ममतापूर्वक हत्या गरि भारतीय सिनेमा कुली/वार–२ जस्ता साम्राज्यवादी सिनेमाहरूबाट ठुलो रकम कमिसन खाएर नेपाली चलचित्रको बजार बिदेशी सिनेमाको एकलौटी कब्जामा पारिदिएका छन् ।
महासंघले राष्ट्र, राष्ट्रियता, जनतन्त्र र नेपाली कला, साहित्य र लोकसंस्कृतिमा आधारित नेपाली चलचित्रको पक्षमा सम्झौताहिन कडा संघर्ष गर्न बाध्य हुने चेतावनी दिदै सुझावलाई गम्भीरतापूर्वक लिन आग्रह गरेको छ ।
FACEBOOK COMMENTS