‘सौभाग्य मेरो जीवनको’ मा लक्ष्मण र लक्ष्मीको रोमान्स (भिडिओ)

काठमाडौं । बेजिला फिल्मसको प्रस्तुतिमा रहेको प्रेमिल गीत ‘सौभाग्य मेरो जीवनको’ सार्वजनिक भएको छ। गीतमा सुमन केसी र अस्मिता अधिकारीको सुमधुर स्वर सुन्न सकिन्छ।

गीतका शब्द किशोर पोखरेलले लेखेका हुन् भने संगीत रमेश अञ्जन कडरियाले गरेका हुन्। गीतलाई गायक सुमन केसीले नै संगीत संयोजन गरेका छन्।

गीतको भिडिओलाई लक्ष्मण पुन लक्सको निर्देशनमा तयार पारिएको हो । सहायक निर्देशनमा धर्मेन्द्र पुर्जा रहेका छन्।

भिडिओमा लक्ष्मण पुन लक्स र लक्ष्मी पुर्जा मुख्य भूमिकामा देखिएका छन्। भिडिओको छायांकन गोविन्द विष्टले गरेका हुन्। भिडिओको सम्पादन र कलर सुधार सुप्रिम पराजुलीले गरेका छन्।

जापानका विभिन्न रमणीय ठाउँमा छायांकन गरिएको यस म्युजिक भिडिओले दर्शकको मन जित्ने अपेक्षा गरिएको छ। भिडिओ बेजिला फिल्मसको आधिकारिक युट्युब च्यानलमा उपलब्ध छ।

हेर्नुहाेस् भिडिओ-